O xoves 10 de agosto haberá dobre sesións dos "Seráns de Ames" en Bugallido. Ás 19:30 horas dará comezo o contacontos "Conto contiño", con Bibiana Calvo e Divina Fernández. Así mesmo, Inventi Teatro representará a obra "A gran viaxe", unha comedia teatral que conta a historia da capitana Centella e o doutor Potasio, dúas personaxes que chegan coa súa nave á terra en busca do Ziscornio, un elemento necesario para salvar ao seu planeta dos bechos malignos que o están a destruír.