O Concello de Ames convocou esta mañá un minuto de silencio diante da Casa do Concello, en Bertamiráns, en repulsa do asasinato machista dunha muller de 74 anos o pasado venres 1 de agosto na Coruña. No acto estiveron presentes o alcalde de Ames, Blas García, e os/as concelleiros/as do Goberno municipal Susana Señorís, Javier Antelo, Uxía García, Gustavo Nieto e Ana Belén Paz. Así mesmo, tamén asistiron Oliva Agra e Pablo Beiroa, concelleiros/as do Partido Popular de Ames;  Rosalía Seijas, do BNG de Ames; Luísa Feijo, de Espazo Común, e mebros do persoal municipal.

Desde a Plataforma Feminista de Ames convocaron unha concentración mañá mércores, 7 de agosto, ás 20:30 horas na praza da Maía.  

Este foi o primeiro asasinato por violencia machista en agosto despois de rexistrar sete en xuño e ocho o pasado mes de xullo. O número de mulleres asasinadas por violencia de xénero en España ascende a 28 en 2024, e xa son 1.272 dende 2003.