O Concello de Ames, a través da Concellaría de Promoción Económica, informa de que, dende o pasado 3 de maio, está aberto o prazo para facer uso dos “Bonos Activa Comercio” que activou a Xunta de Galicia.

En Ames adheríronse 65 negocios. Os veciños e veciñas poderán facer usos destes bonos, cos que se benefician de ata 30 euros de descontos, en comercios de roupa, de produtos tecnolóxicos, librarías ou ópticas, entres outros. Podes consultar a listaxe completa dos negocios de Ames que participan na campaña premendo nesta ligazón.

Esta iniciativa da Xunta de Galicia, en colaboración coa Federación Galega do Comercio e as Asociacións Provinciais, forma parte do paquete de medidas específicas para o sector que o Goberno galego está a poñer en marcha para acompañar o comercio de proximidade na súa reactivación, e que contará cando menos con 20 millóns de euros en axudas para reforzar a competitividade do sector a través de iniciativas que permitan a súa modernización e incentiven o consumo.

Os comercios que se queiran adherir á campaña poderán facelo, ata este sábado 15 de maio, premendo nesta ligazón.  Entre outros requisitos, deberán cumprir coas medidas de prevención fronte á Covid-19, para o que poderán adherirse á plataforma Comercio Seguro impulsada pola Xunta de Galicia.

A concelleira de Promoción Económica, Ana Belén Paz, anima á veciñanza a facer uso dos Bonos Activa Comercio da Xunta de Galicia nos establecemos de Ames. “Hai 65 establecementos de Ames adheridos a esta campaña, algo que é positivo para o comercio local de Ames, xa que os veciños e veciñas poderán facer usos destes bonos, cos que se benefician de ata 30 euros de descontos, en comercios de roupa, de produtos tecnolóxicos, librarías ou ópticas, entres outros”. 

Como descargalo?
O primeiro paso é darse de alta na páxina web . Tras confirmar o rexistro cun SMS que enviará a plataformar, deberase activar e descargar o bono.

Como funciona?
Cada cliente disporá como máximo dun bono desconto por un importe de 30€ que poderá descontar en función do crédito dispoñible nos distintos establecementos comerciais adheridos e que estarán identificados co distintivo da campaña.

Tendo en conta que por compras superiores a 30€ o desconto máximo é de 5€, co bono poderase, por exemplo, facer un máximo de 6 compras por importes superiores a 30€ cada unha. Se o importe da compra é superior a 50€ o desconto a aplicar será de 10€, polo que se todas as compras fosen por ese importe, poderíase facer ata 3 compras.

Para facer uso deste vale, deberase ensinar o código QR ao comerciante no momento do pago para que aplique o desconto.

Novas relacionadas:

La Voz de Galicia: "Abierto el plazo para utilizar los bonos de la Xunta en 65 comercios de Ames"