A través do plan provincial POS+ 2019 o Concello de Ames vai a executar as obras de pavimentación do camiño que vai dende o lugar de O Mercuto ata A Folgueira, na parroquia da Ameixenda. Para iso, a Xunta de Goberno Local acaba de aprobar a adxudicación do expediente de licitación das obras deste proxecto. Estas obras foron adxudicadas á empresa Construcciones J. Mauri e Hijos SL por un importe de 29.662,90 euros.

Os traballos desenvolverase nun treito que conta cunha lonxitude de 750 metros e 4,00 metros de ancho. Neste camiño preténdese a mellora da capa de rodaxe con cinco centímetros de aglomerado en quente a toda a plataforma, previa reparación de baches e previo emprego de quince centímetros de zahorra de canteira, quince de grava e tratamento asfáltico semiprofundo en ampliación do ancho da superficie pavimentada ambos lados, 0,50 metros a cada lado, dentro da plataforma actual do camiño.

Completan a obra a limpeza de gabias e salvagabias para o correcto drenaxe lonxitudinal e transversal, e a sinalización horizontal e vertical con pintado de liñas en bordes e símbolos e colocación dunha sinal de stop.