- Tematica
A Aula Municipal Tecnolóxica da Información e da Comunicación (Aula AmTIC) do Concello de Ames, localizada no Milladoiro, oferta para este mes de decembro novos cursos formativos, un para adultos e tres para os máis cativos. Deste xeito, a Aula Municipal completa a súa proposta de cursos didácticos para este tramo final do ano. Os contidos do curso para adultos estarán centrados en como facer compras seguras a través de internet e, no caso dos menores, o obxectivo principal é que coñezan o mundo da informática a través da creación de postais de Nadal en diferentes programas dixitais. Pódese facer a inscrición en calquera dos cursos chamando a través do número de teléfono 674 59 48 43, escribindo un correo electrónico a informatica.milladoiro@gmail.com coa correspondente solicitude cuberta e asinada ou de xeito presencial na propia aula AMTIC do Milladoiro.
Cursos para adultos
A formación para adultos é “Compras seguras a través da internet” impartirase os días 11, 12 e 18 de decembro en horario de mañá, de 10.00 a 12.00, na aula AMTIC da Casa da Cultura do Milladoiro.
O obxectivo principal deste curso é que as persoas participantes aprendan todas as bases para realizar unha boa compra a través da rede. Coa chegada do Nadal, é frecuente que aumenten as estafas Internet, polo que saber identificar posibles enganos e tamén coñecer o proceso completo dunha boa compra: busca da mellor oferta, métodos de pago, proceso post-venta, dereitos coma consumidor e posible devolución do produto.
Cursos para rapaces
Os máis pequenos da casa tamén contarán con actividades orientados á súa formación na rede a través do curso “Postais de Nadal Paint”, dirixido á rapaza de entre 5 e 8 anos. Impartirase do 23 ao 30 de decembro en horario de 10.30 horas a 12.00 horas tamén na aula AMTIC da Casa da Cultura do Milladoiro. Centrado nos máis pequenos, o obxectivo é que vaian coñecendo pouco a pouco o mundo da informática creando postais de Nadal co programa Paint.
Na mesma liña, impartiranse o resto de cursos orientados á cativada. Do 26 ao 2 de xaneiro, realizarase o curso “Postais de Nadal Scratch”, dirixido aos nenos e nenas de entre 8 e 14 anos. A formación será en horario de mañá, de 10.00 horas ás 12.00 horas na aula AMTIC da Casa da Cultura do Milladoiro. Co uso deste programa, a rapazada coñecerá coñecementos básicos de programación a través da realización de ilustracións de Nadal co programa Scartch.
O terceiro curso que se realizará será “Postais de Nadal Pixelart”, dirixido aos mozos e mozas de 9 a 12 anos e que se realizará de 10.00 horas a 12.00 horas entre os días 27 de decembro ao 3 de xaneiro na Aula AMTIC da Casa da Cultura do Milladoiro. Nel aprenderán a facer debuxos de Nadal con programas pixelart (debuxos de baixa resolución semellantes aos dos videoxogos clásicos).
A inscrición en calquera destes cursos pode realizarse chamando ao número de teléfono 674 59 48 43, enviando ao enderezo informatica.milladoiro@gmail.com a solicitude de inscrición cuberta e asinada ou presencialmente na aula AMTIC do Milladoiro en horario de aula aberta (De luns a venres de 10.00 a 12.30 e de 16.00 a 20.00).
