Unha das grandes vantaxes da elaboración artesanal de xabón é que deixamos a glicerina incorporada nel e isto achégalle hidratación ao xabón. A maioría dos xabóns elaborados industrialmente separan o xabón da glicerina para obter un dobre beneficio. Eses xabóns resecarán moito máis a pel que os feitos por nós se incorporan a glicerina.

Materiais
Para a elaboración de xabón artesanal non poden faltar diferentes materiais: luvas, lentes e máscara para traballar con seguridade; unha balanza de cociña o máis precisa posible; cazos e potas de aceiro inoxidable de suficiente capacidade para as cantidades de xabón que imos preparar; termómetros que teñen que chegar a 100 ºC (non son imprescindibles pero si recomendables xa que con eles axustamos mellor a temperatura); utensilios para remexer e mesturar, como culleres ou batedor; moldes (poden ser de silicona); e oitelos ou cortadores de xabón.

Ao remate desta nova podes acceder ás instruccións para a elaboración artesanal de xabón, ademáis de coñecer en profundidade as súas características e beneficios. É a primeira dunha serie de actividades que a Aula da Natureza achegará ás familias para a súa realización durante este período de confinamento. Para a responsable da Aula da Natureza, Patricia Reboreda, é fundamental que “entre todos e todas tentemos de facer máis levadeira esta situación. Desde a Aula da Natureza iremos incorporando diferentes actividades para que todas as familias podan desenvolver nas súas casas”.