O departamento de bibliotecas amesán retoma novamente as actividades dirixidas aos nenos e nenas de 3º a 6º de Educación Primaria, ofrecendo desta volta o obradoiro de creación de postais con poemas e collages “Querida poeta, dous puntos”. Con esta iniciativa preténdese que os mozos e mozas se familiaricen coa poesía e a perciban como a materia prima para crear unha obra plástica. Así mesmo, tamén se busca crear un espazo para reflexionar sobre feminismo e igualdade a través dos textos e as imaxes propostas para que a rapazada traballe.

O taller desenvolverase de maneira dual nas bibliotecas do Milladoiro e de Bertamiráns. No centro do Milladoiro terá lugar o venres 24, ás 17:30 horas; mentres que en Bertamiráns se celebrará o sábado 25, ás 11:30 horas.

O prazo de inscrición para participar nos obradoiros está aberto dende hoxe, 13 de marzo, e pechará o vindeiro mércores 22. A inscrición pódese facer escribindo ao enderezo electrónico biblioteca@concellodeames.gal ou chamando aos números 981 53 08 07 (para o obradoiro do Milladoiro) ou 981 88 48 29 (para o de Bertamiráns).

Contacontos “Lobos e lobiños”
Por outra banda, as bibliotecas municipais están a desenvolver tamén as súas propostas de animación á lectura infantil. Para esta semana están programadas tres sesións do contacontos “Lobos e lobiños”, dirixido a crianzas de entre 3 e 8 anos, que terán lugar mañá martes, o mércores e o xoves na biblioteca de Bertamiráns, ás 17:30 horas. Premendo nesta ligazón pódese consultar a programación de contacontos do primeiro semestre ao completo e as datas de inscricións.

Novas relacionadas:

El Correo Gallego: "As bibliotecas de Ames van celebrar o Día da Poesía cun taller de postais para escolares"