O acto de inauguración estivo presidido Myriam Garabito, presidenta de UNICEF Comité Galicia; Jacobo Rey, director xeral de Familia, Infancia y Dinamización Demográfica; e Blas García, alcalde de Ames e vogal da comisión executiva da Federación Galega de Municipios e Provincias. Tralas últimas eleccións municipais, o Concello de Ames pasou a formar parte da Estrutura de representantes da FEGAMP. Deste xeito, o rexedor amesán, Blas García, pasou a ser vogal da Comisión executiva de dita organización.
​
Blas García destacou “nestas V Xornadas de Cidades Amigas da Infancia en Galicia vanse a analizar distintas ferramentas para a implementación e mellora das políticas de infancia e adolescencia no ámbito local, razón pola que os concellos galegos imos tomar boa nota de todo o que se aborde aquí, para poder avanzar na adaptación das nosas políticas cara unha sociedade que está nun cambio continuo, e máis no que afecta a nosa infancia e adolescencia. Todas as administracións debemos facer un esforzo de coordinación e cooperación para poder afrontar os múltiples retos que temos neste campo aproveitando os foros comúns nos que estamos representados todos”.
​
Ademais, García dixo que “no pasado mes de novembro, con motivo do día mundial da infancia celebrado o 20 de novembro e a proposta da UNICEF, a Xunta de Voceiros e Voceiras da FEGAMP aprobou unha declaración na que se expresaba o compromiso que as entidades locais temos coa infancia e adolescencia, que débese traducir en máis feitos que garantan os dereitos plasmados na convención de dereitos dos nenos e nenas, aprobados hai xa 24 anos, sobre os 4 alicerces básicos: A non discriminación, o interese superior do neno, o dereito á vida, a supervivencia e o desenvolvemento e a necesidade da participación infantil”.
​
Cidades Amigas da Infancia de UNICEF
​A iniciativa Cidades Amigas da Infancia de UNICEF busca impulsar un modelo de xestión municipal centrado nos dereitos de infancia. Coa implantación desta iniciativa, contribúese a mellorar as condicións de vida dos nenos, nenas e adolescentes, mediante a promoción e a implantación de políticas municipais que garantan o seu desenvolvemento integral desde un enfoque de dereitos.
​
Un dos 5 obxectivos marco desta iniciativa é o de garantir o dereito de todos os nenos e nenas a desenvolverse nunha contorna segura e limpa. Con este contexto e entendendo que os municipios teñen tamén un papel fundamental na implementación da Lei de Protección Integral á infancia e a adolescencia fronte a violencia (LOPIVI), UNICEF Comité Galicia organiza esta xornada na que afondar sobre cuestións claves como son a planificación das políticas de infancia, a protección e a promoción da participación infantil e adolescente.
​
Esta xornada estivo dirixida a equipos de goberno e/ou persoal técnico municipal con competencias en materia de infancia, familia, educación, participación ou servizos sociais, así como profesionais de entidades que desenvolven o seu labor profesional no ámbito dos servizos sociais, educación ou protección de poboación menor de idade.
​
Consello sectorial da infancia
​En dito acto, o alcalde de Ames, Blas García, abordou coa presidenta de UNICEF Comité Galicia, Myriam Garabito, a intención de potenciar o Consello sectorial da infancia do Concello de Ames, que pasará a depender da Concellaría de Educación.