O programa SaúdeAndo inclúe un total de 39 andainas ao longo de todo o ano (exceptuando os meses de xullo e agosto), con 21 saídas desde o centro de saúde do Milladoiro e outras 18 desde o de Bertamiráns. Este ano, comezaron o pasado 11 de xaneiro no Milladoiro, e o 18 de xaneiro en Bertamiráns, ás 17:30 horas.

Ao longo de todo o mes de febreiro haberá un total de cinco andainas, tres en Bertamiráns (unha foi o pasado 1 de febreiro, o 15 e o 29) e dúas no Milladoiro (os días 8 e 22). As sesións, para as que non é precisa inscrición previa, duran entre unha hora e hora e media, e teñen unha dificultade media-baixa. Estas saídas contan sempre coa presenza dun monitor de marcha nórdica, pensando nas persoas que desexen practicar esta modalidade (sempre de maneira voluntaria).

Datas do SaúdeAndo 2024
Xa se coñecen todas as datas das andainas do SaúdeAndo deste ano, que comezan os xoves ás 17:30 horas nos centros de saúde de Bertamiráns e no Milladoiro.

No Milladoiro haberá andainas, nos días 8 e 22 de febreiro; 7 e 21 de marzo; 4 e 18 de abril; 2, 16 e 30 de maio; 13 e 27 de xuño; 5 e 19 de setembro; 3, 17 e 31 de outubro; 14 e 28 de novembro e 12 de decembro.

Pola súa banda, Bertamiráns contará con saídas os días 15 e 29 de febreiro; 14 de marzo; 11 e 25 de abril; 23 de maio; 6 e 20 de xuño; 12 e 26 de setembro; 10 e 24 de outubro; 7 e 21 de novembro; e 5 e 19 de decembro.

Novas relacionadas:

La Voz de Galicia: "Ames programa cuatro caminatas circulares hasta final de mes"