- Tematica
O club ciclista amesán Os Esfola Arrós competiu na segunda proba do Open de España XCM, a Gigante de Small, con Jorge Pérez, que participou na categoría de máster 30. Esta proba disputouse en Sant Joan de Moró, en Castellón, o pasado sábado, 1 de maio. Jorge Pérez percorreu os 120 quilómetros, con 3.800 metros de desnivel, dos que constaba a proba en 7 horas. Completou unha gran proba rematando na décimo cuarta posición da categoría máster 30.
O club ciclista amesán Os Esfola Arrós estivo representado na segunda proba do Open de España XCM, a Gigante de Small, con Jorge Pérez, que competiu na categoría de máster 30. Na primeira proba desta competición, celebrada o pasado 11 de abril en Cambrils, o ciclista acadou tamén a décimo cuarta posición.
Segundo explican dende o club amesán Os Esfola Arrós “foi unha proba moi dura, tanto fisicamente como tecnicamente, acumulando gran parte de desnivel nos compases principais da carreira. O percorrido contaba con pedras, tanto para arriba como abaixo, igual que as paredes verticais. Ademais, a chuvia fixo que a carreira aínda fose máis épica con auga, saraiba e tronos”.
Despois de case 7 horas de carreira, Jorge Pérez consolidouse como finisher da Gigante de Small, pero conseguindo uns magníficos resultados. Acadou o posto 67 da clasificación xeral e estivo a piques, unha vez máis, de entrar no Top10 da categoría máster 30, quedando na décimo cuarta posición. Nesta proba do Open de España XCM tamén participaron outros corredores galegos.
#oeateam #oeafamily #serOEAmola
