O Concello de Ames, a través da Concellaría de Promoción Económica, desenvolve un ano máis a campaña dos “Bonos Consuma”, unha iniciativa para fomentar o consumo no comercio local. O prazo para descargar os bonos estará aberto desde mañá, sábado 14 de decembro. Cada persoa maior de 18 anos poderá descargar un único bono con importe de 50 euros que poderá usar nos 105 establecementos adheridos á campaña deste ano. Para descargar os bonos hai que entrar no apartado de clientes da páxina web dos bonos consuma e introducir os datos persoais do beneficiario. Os bonos poderán usarse dende o 14 de decembro ata o 14 de febreiro, exceptuando que o orzamento do programa se esgote antes, que este ano ascende ata os 60.000 euros. No caso de que se esgote o orzamento do programa, os vales descargados deixarán de ter saldo, polo que non se poderán empregar. Pódese consultar as empresas adheridas á campaña na seguinte ligazón.
O Concello de Ames pon en marcha unha nova edición do programa “Bonos Consuma”, unhas tarxetas de desconto que teñen como obxectivo incentivar ao comercio local, ademais de axudar á veciñanza a aforrar nas súas compras nestes establecementos. En total, hai 105 negocios de comercio e hostalería de Ames adheridos á campaña deste ano. Podes consultar as bases da convocatoria na seguinte ligazón.
As persoas interesadas en descargar estes bonos poderán facelo dende mañá, sábado 14 de decembro, na web de Bonos Consuma. Só terán que entrar no apartado de clientes da páxina e rexistrarse segundo as indicacións. Unha vez introducidos todos os datos persoais, a persoa beneficiaria poderá descargar o bono. O terá un código QR que haberá que amosar no momento do pago. O desconto dependerá en función do importe da compra que se realice.
O período para utilizar os bonos abrangue comeza mañá, o 14 de decembro, ata o 14 de febreiro, ambos incluídos. No caso de esgote o orzamento destinado ao programa, os vales descargados e non usados deixarán de ter saldo polo que perderán validez. O orzamento destinado para este ano é dun total de 60.000 euros. Pódese consultar as empresas adheridas a esta campaña dos Bonos Consuma na seguinte ligazón.
A concelleira de Promoción Económica, Ana Belén Paz, destaca que “despois do éxito das edición de 2021, 2022 e 2023, este ano puxemos en marcha unha nova campaña dos Bonos Consuma, unha iniciativa para fomentar o consumo no comercio local, que agardamos que teña o mesmo éxito que as anteriores. En dita campaña participan un total de 105 establecementos comerciais e de hostalería, de Bertamiráns e do Milladoiro, de practicamente todos os sectores: xogueterías, librarías, ópticas, hostalería, moda e complementos, zapaterías, decoración, clínicas veterinarias, perfumerías, establecementos de estética, material deportivo, informática, xoiería, bazar, material didáctico, moda infantil, parafarmacia, pastelerías, etc”.
Como funcionan os Bonos Consuma?
Cada bono terá un valor de ata 50€ para descontar nos establecementos adheridos ao programa, poderanse usar ata o seu esgotamento ou ata esgotar o crédito dispoñible para a iniciativa. O importe do bono reducirase en función do valor da compra realizada:
- Desconto de 5€ en compras iguais ou superiores a 10€, e inferiores a 30€.
- Desconto de 10€ en compras iguais ou superiores a 30€, e inferiores a 50€.
- Desconto de 15€ en compras iguais ou superiores a 50€.
Descargar o vale é moi sinxelo. En primeiro lugar, é preciso descargar no teléfono móvil a aplicación Wallet. De seguido, deberás rexistrarte dende o teu móbil na páxina web https://www.bonosconsuma.gal/es/client. Tras realizar correctamente o rexistro, recibirás un código de validación por SMS e, despois, xa poderás activar e descargar o teu Bono Consuma en forma de código QR. Unha vez feito este proceso, xa poderás usar o vale nos establecementos que teñan o distintivo Bonos Consuma e, no momento do pago, ensinar o código QR para realizar o desconto.
Novas relacionadas:
El Correo Gallego: "Abierto el plazo para descargar y usar los Bonos Consuma de Ames"
