O alumnado de primeiro de bacharelato do instituto de Ames, situado en Bertamiráns, participou o pasado venres, 5 de maio, nun encontro organizado pola Concellaría de Xuventude e o departamento de Educación Física do propio instituto. A charla estivo protagonizada por Marcelo Lusardi, un xoven skater do Milladoiro que é invidente.

Imaxinas por un momento quedar cego e que a túa vida non faga máis que mellorar? Esta foi a temática da charla impartida por Marcelo Lusardi o pasado venres aos alumnos e alumnas de primeiro de bacharelato do IES de Ames.

O xoven skater amesán compartiu co alumnado a súa historia e mostroulles que ter discapacidade non é motivo para quedar atrás nin sentirse menos que ninguén. Ademais, contoulles que el puido seguir facendo skate a pesar das circunstancias.

A xornada culminou cunha mesa redonda entre Marcelo Lusardi e mailo alumnado, onde lle fixeron preguntas todo tipo nun ambiente moi próximo e agradable.

Marcelo Lusardi agradécelle á Concellaría de Xuventude a organización deste encontro, que permitiu divulgar e normalizar o que é ter unha discapacidade, e aos/ás alumnos/as e profesores/as polo bo trato recibido e por escoitalo.

Novas relacionadas:

El Correo Gallego: "O mozo amesán Marcelo Lusardi denostra que a falta de visión non é problema ningún para o skate"