O Club Balaídos Vigo organizou, o pasado luns 17 de maio no pavillón de Candeán, o Campionato Autonómico 2ª Categoría Show de grupos grandes e pequenos de Patinaxe Artística. No evento participaron 20 clubs galegos.

No campionato competiron os seguintes clubs: Sarela, Apostol Santiago, Arealonga Chapela, Salceda, Xiramos, Carpa Viqueira, Balaidos, Castro S.M., Olivo, Conxuro, Ourela, Noia, Brincadeira, T. Altamira, Oleiros, Brión, Fontiñas, Alquimia, Oroso e Berenguela.

O Sarela representou a Ames a través de tres equipos de patinadoras. O “Déixame ir”, formado polas veteranas, conseguiu o terceiro posto e, polo tanto, o bronce galego. “Karma” acadou o 12º posto cun notable progreso e o grupo “Serei quen queira ser” colocouse nun 15º posto nun debut competitivo.

Próximas competicións
O club Sarela volverá a competir o sábado 22 de maio na I Fase Niveis- Libre da Coruña Zona Sur. O evento está organizado polo Club de Patinaxe de Teo e desenvolverase, na fin de semana do 22 e 23 de maio, no pavillón dos Tilos.