O alcalde de Ames, Blas García, e a concelleira de Deportes, Susana Señorís, asinaron o convenio regulador da subvención cos presidentes José Budiño (Bertamiráns FC) e José Manuel Dacosta (Milladoiro SD). Ambos clubs imparten formación deportiva a máis de 650 cativos distribuídos entre distintas categorías e modalidades, contan con equipos sénior de fútbol 11 e realizan actividades formativas e de lecer como son os distintos campus de fútbol de verán.

García e Señorís destacaron a gran labor que os dous clubs realizan dentro do concello de Ames, polo valor que aportan e pola gran función que realizan promovendo valores como a práctica do deporte.

O alcalde destaca que  o Bertamiráns FC e o Milladoiro SD aportan “un gran valor ao concello de Ames coa promoción o deporte e a oferta de opcións lúdicas saudables, é obrigado pola nosa parte facilitar a súa labor”, mentres que a a concelleira de Deportes loa o compromiso dos clubs  “coa promoción dun estilo de vida activo e saudable mediante a realización da actividade deportiva”.

Novas relacionadas:

Enfoques: "El Concello de Ames apoya con 40.000 euros a Bertamiráns FC y Milladoiro SD"