O Boletín Oficial do Estado (BOE) publicou este domingo, 3 de maio, diferentes ordes para regular a fase 0 do proceso de desescalada, cuxos principais puntos céntranse na hostalería, a apertura ao público de certos comercios e servizos, mobilidade e restricións sociais. Cómpre lembrar que Galicia atópase na fase 0 do proceso de desescalada anunciado polo Goberno do Estado.

 

Deste xeito, infórmase sobre as novas condicións que rexerán na FASE 0, que comezará a partir do día 4 de maio de 2020, nos seguintes eidos: comercio e servizos; hostalaría; deporte profesional e federado; e transporte. Ao pe desta nova pódese obter máis información sobre as condicións que rexerán na FASE 0 en ditos eidos.

 

Comercios e servizos
Establécense unha serie de condicións para a apertura ao público de establecementos e locais comercias, comerciantes polo miúdo, e de prestación de servizos asimilados. Poderá procederse á reapertura ao público de todos os establecementos e locais comerciais comerciantes polo miúdo e de actividades de servizos profesionais cuxa actividade se suspendeu tras a declaración do estado de alarma, a excepción daqueles que teñan unha superficie de máis de 400 metros cadrados, así como daqueles que teñan carácter de centro comercial ou de parque comercial, ou que se atopen dentro dos mesmos sen acceso directo e independente desde o exterior, sempre que cumpran os requisitos seguintes:

 

-Establecerase un sistema de cita previa que garanta a permanencia no interior do establecemento ou local nun mesmo momento dun único cliente por cada traballador, sen que se poidan habilitar zonas de espera no interior dos mesmos.

 

-Garantirase a atención individualizada ao cliente coa debida separación física e, no caso de que isto non sexa posible, mediante a instalación de mostradores ou biombos.

 

-Establecerase un horario de atención preferente para maiores de 65 anos, que deberá facerse coincidir coas franxas horarias para a realización de paseos e actividade física deste colectivo.

 

O disposto anteriormente non será de aplicación ás actividades e os establecementos e locais comerciais comerciantes polo miúdo con apertura ao público permitida de acordo con o Real Decreto 463/2020, do 14 de marzo, os cales poderán continuar abertos nas mesmas condicións que tiñan desde a entrada en vigor do referido real decreto, sen prexuízo do cumprimento das medidas de seguridade e hixiene que se prevén na orde.

 

Todos os establecementos e locais que poidan proceder á reapertura ao público poderán establecer, no seu caso, sistemas de recollida no local dos produtos adquiridos, sempre que garantan unha recollida graduada que evite aglomeracións en interior do local ou o seu acceso. Os desprazamentos aos establecementos e locais aos que se refire este artigo poderán efectuarse unicamente dentro do municipio de residencia, salvo que o servizo ou produto non se atope dispoñible no mesmo. Preme nesta ligazón para obter máis información sobre o eido dos comercios e servizos.

 

Actividades de hostalaría e restauración
As actividades de hostalería e restauración poderán realizarse mediante servizos de entrega a domicilio e mediante a recollida de pedidos polos clientes nos establecementos correspondentes, quedando prohibido o consumo no interior dos establecementos. Nos servizos de entrega a domicilio poderá establecerse un sistema de repartición preferente para persoas maiores de 65 anos, persoas dependentes ou outros colectivos máis vulnerables á infección por COVID-19.

 

Nos servizos de recollida no establecemento, o cliente deberá realizar o pedido por teléfono ou en liña e o establecemento fixará un horario de recollida do mesmo, evitando aglomeracións nas inmediacións do establecemento. Así mesmo, o establecemento deberá contar cun espazo habilitado e sinalizado para a recollida dos pedidos onde se realizará o intercambio e pago. En todo caso, deberá garantirse a debida separación física establecida neste capítulo ou, cando isto non sexa posible, coa instalación de mostradores ou biombos.

 

Non obstante o previsto no apartado anterior, naqueles establecementos que dispoñan de puntos de solicitude e recollida de pedidos para vehículos, o cliente poderá realizar os pedidos desde o seu vehículo no propio establecemento e proceder ao seu posterior recollida. Os establecementos só poderán permanecer abertos ao público durante o horario de recollida de pedidos. Preme nesta ligazón para obter máis información sobre o eido de hostalaría e restauración.

 

Utilización de máscaras nos medios de transporte
O uso de máscaras que cubran nariz e boca será obrigatorio para todos os usuarios do transporte en autobús. Así mesmo, será obrigatorio para os usuarios dos transportes públicos de viaxeiros en vehículos de ata nove prazas, incluído o condutor.

 

Os traballadores dos servizos de transporte que teñan contacto directo cos viaxeiros deberán ir provistos de máscaras e ter acceso a solucións hidroalcohólicas para practicar unha hixiene de mans frecuente. Preme nesta ligazón para coñecer as condicións de ocupación dos vehículos no transporte terrestre.

 

Deporte profesional e federado
Ademais, os deportistas profesionais e deportistas cualificados de alto nivel, de acordo con o estipulado no Real Decreto 1006/1985, do 26 de xuño, polo que se regula a relación laboral especial dos deportistas profesionais, e os deportistas cualificados polo Consello Superior de Deportes como deportistas de alto nivel ou de interese nacional, poderán realizar adestramentos de forma individual, ao aire libre, dentro dos límites da provincia na que resida o deportista.

 

-Poderán acceder libremente, en caso de resultar necesario, a aqueles espazos naturais nos que deban desenvolver a súa actividade deportiva, como mar, ríos, ou encoros, entre outros.

 

 -Poderán utilizar os implementos deportivos e equipamento necesario. O desenvolvemento dos adestramentos e o uso do material deberán realizarse mantendo, en todo caso, as correspondentes medidas de distanciamento social e hixiene para a prevención do contaxio da COVID-19, indicadas polas autoridades sanitarias. Preme nesta ligazón para obter máis información sobre o eido do deporte profesional e federado.