A Casa da Cultura de Bertamiráns vén de incorporar novo mobiliario ao seu hall, que dende hai unhas semanas conta cunha zona de descanso e un punto de lectura para facer máis acolledora a espera dos veciños.
O programa de fomento da lectura das Bibliotecas incorporou un novo punto de lectura ao hall da Casa da Cultura de Bertamiráns. Na instalación municipal colocouse un estante con todo tipo de libros. Ademais, na sala de lactancia está dispoñible un carro con coleccións infantís.
Por outra banda, na entrada instaláronse dúas mesas de diferentes dimensións e cadeiras para facilitar un espazo de traballo e de reunión a todas as persoas que o desexen. Así mesmo, colocáronse oito pufs.
O obxectivo desta inversión é humanizar e facer máis acolledora a espera dos veciños e veciñas, así como achegar a lectura a todos os recunchos do concello.
Novas relacionadas
El Correo Gallego: "A casa de cultura de Bertamiráns conta cun novo punto de lectura"
