Ames Saudable ten como obxectivo achegar e fomentar entre as veciñas e veciños hábitos saudables. Como consecuencia da alerta sanitaria provocada polo COVID-19, o contacto man a man co veciñanza a través da realización de actividades que potencien esta vida saudable vese imposibilitado, e por iso, o programa emprende un novo camiño nas redes sociais para seguir en contacto coa veciñanza durante o período de confinamento nos fogares.

Nas súas novas contas en Facebook e en Instagram, falarase e daranse consellos, ademais de sobre temas relacionados co COVID-19, tamén sobre hixiene, alimentación saudable, promoción da actividade física, relaxación, meditación e prevención.

Asemade, ademais de recomendacións, consellos e información, colgaranse vídeos con sesións de ioga e relación, ximnasia terapéutica, baile en liña, etc. Todo isto, enfocado tanto para o público xeral como para os nosos maiores.

Trátase, por tanto, dunha forma de achegar aos seus seguidores as actividades que xa se viñan facendo, dándolles continuidade. Ademais, as redes sociais conseguirán que se siga mantendo contacto cos usuarios á vez que se proporcionan os recursos para continuar cas rutinas diarias. En definitiva, tratar, na medida do posible, de facer un pouco máis amenos estes días.