Para o mes de xuño, dentro do programa Trouleando, proponse unha xornada no aquapark de Cerceda, un parque acuático que dispón dunha ampla e variada gama de atraccións nas que pasar unha xornada de ocio con aquatubos, piscina de ondas, roaller coaster, tobogán de donuts, kamikaze, etc. A actividade terá lugar o martes 28 de xuño.

O autobús sairá ás 10.30h dende o Pazo da Peregrina, en Bertamiráns, e ás 10.45h dende a Casa da Cultura do Milladoiro. Os/as participantes estarán de volta ás 21.15h no Milladoiro e as 21.30h en Bertamiráns.

Os/as participantes deben levar mochila con toalla, roupa de baño, chanclas, gorra, crema solar 50, máscara e roupa de recambio. Ademais deben levar a comida e merenda da casa, ou adquirila comprándoa no propio parque.

Para calquera dúbida, pódese contactar coa Oficina Municipal de Información Xuvenil, a OMIX, no correo electrónico omix@concellodeames.gal.