Solapas principales

O Punto Limpo recolleu en abril case tres toneladas de residuos procedentes da construción

Sábado, 18 de mayo de 2024

O centro de depósito de residuos do Punto Limpo rexistrou 769 entradas en abril de 2024. Durante o pasado mes destaca a achega de 2.391 quilogramos de lixo procedente da construción (formigón, ladrillos e outros), 2.137 quilogramos de madeira e 1.072 quilogramos de pequenos aparatos eléctricos e electrónicos. O Punto Limpo, inaugurado en xaneiro de 2007, está situado na rúa das Hedras, no parque empresarial do Milladoiro, e abre de luns a sábado de 9:00 a 15:00 horas e de 16:00 a 20:00 horas.

O número de veciñas e veciños que fan uso do Punto Limpo para depositar os seus residuos segue a aumentar, xa que cada vez somos máis conscientes do importante que é reciclar correctamente aqueles refugalos que non se poden depositar nos colectores convencionais.

Deste xeito, o pasado mes de abril rexistráronse un total de 769 entradas no servizo municipal. Máis concretamente, a veciñanza amesá depositou 1.072 unidades de equipos eléctricos e electrónicos, 389 quilogramos de plásticos, 184 unidades de tubos fluorescentes e outras lámpadas, 76 quilogramos de roupa, 289 unidades de voluminosos e 28 unidades de pneumáticos usados.

Ademais, rexistrouse a entrada de 1.105 quilogramos de metais, 139 quilogramos de pintura, 2.137 quilogramos de madeira, 150 quilogramos de papel e 25 unidades de aerosois. Cómpre destacar tamén os aceites: 78 litros de aceite de motor e 86 litros de aceite vexetal.

Horario e teléfono de contacto do Punto Limpo
O Punto Limpo está situado na rúa das Hedras do polígono Novo Milladoiro e ata alí pode achegarse toda a veciñanza de Ames para desfacerse de aqueles obxectos e materiais que non van aos colectores convencionais de materiais orgánicos, inorgánicos, vidro ou papel. Recentemente, ampliou o seu horario, e ofrece os seus servizos de luns a sábado en horario de mañá e de tarde. Así, o Punto Limpo abre de 9:00 a 15:00 horas e de 16:00 a 20:00 horas, seis días á semana. As persoas que teñan calquera dúbida poden chamar ao teléfono 981 53 66 88.

Os voluminosos deben entregarse no Punto Limpo. Outra opción é chamar aos números de teléfono 981 19 12 40 ou 639 10 76 38, e acordar unha data e un lugar para depositalos xunto ao contedor máis próximo e que,posteriormente, sexan recollidos.

Punto limpo móbil
Por outra banda, o ano pasado comezou a funcionar o Punto Limpo móbil. Trátase dun vehículo adaptado que percorre os diferentes lugares e parroquias de Ames, cuns horarios e puntos prefixados, normalmente ao carón das Casas da Cultura ou locais sociais de cada parroquia, co obxectivo de que a veciñanza poida depositar os pequenos residuos domésticos para os que non existen colectores na vía pública.

O vehículo consta dunha plataforma móbil que se abre en dúas metades deixando un corredor central desde o que se accede aos colectores específicos para cada tipo de residuo. Nel hai un operario para axudar a que todos os residuos se depositen no colector que lles corresponde.

Durante o pasado mes de abril rexistrou un total de 22 entradas, entre as que destacan 18 quilogramos de roupa, 13  quilogramos de metais e 11 quilogramos de plásticos.

Os residuos que se poden depositar no punto limpo son aerosois, aceite doméstico, baterías e acumuladores, CD, DVD, disquetes e casetes, cristal, xoguetes, lámpadas e fluorescentes, pequenos electrodomésticos electrónicos (televisores, microondas, ordenadores, etc.), pilas, pinturas e vernices, radiografías, roupa e calzado e teléfonos móbiles.

Novas relacionadas:

El Correo Gallego: "El punto limpio de Novo Milladoiro recogió 2,3 toneladas de residuos provenientes de la construcción solo en abril"

O Punto Limpo recolleu en abril case tres toneladas de residuos procedentes da construción