Durante as pasadas semanas, os cómicos Paula Carballeira, Carlos Blanco, Quico Cadaval e Pepo Suevos empregaron as redes municipais para chamar á participación na II Cea Solidaria Pediatría & Concello de Ames, para recadar fondos para contribuír á investigación sanitaria e ao incremento da calidade asistencial dos pacientes pediátricos do CHUS. Así, tras participar na primeira edición do ciclo de monólogos celebrada o pasado mes de maio, os catro monologuistas animan a colaborar con esta causa solidaria asistindo ao evento ou ben facendo un donativo a través da Fila Cero.   

II Cea Solidaria Pediatría & Concello de Ames
Trátase dun evento que está organizado por Xuntanza de Empresarios de Ames, Obra Social Pediatría e Albarín Catering e eventos, e no que colabora o Concello de Ames. O obxectivo desta iniciativa é recadar fondos para contribuír á investigación sanitaria e ao incremento da calidade asistencial dos pacientes pediátricos do CHUS. Contarase coa actuación de DJ Dani e María Iglesias, gañadora do concurso Canta con Ames 2022.

Baixo o lema “Axúdanos a debuxar o seu sorriso” o evento realizarase o venres, 14 de xuño, ás 20.30 horas, no Pazo da Peregrina, en Bertamiráns. O prezo do menú será de 30 euros para os adultos e de 15 euros para os rapaces e rapazas de 6 a 12 anos. Para os nenos e nenas de ata 6 anos a entrada será gratuíta. Destes importes, 5 euros son de donativo. Premendo nesta ligazón podes acceder ao formulario que hai que cubrir para mercar as entradas da cea e á información da Fila Cero por se queres realizar un donativo. Para obter máis información tamén se pode chamar ao número de teléfono 641 11 60 05.

As entradas para o evento tamén se poder obter en tres establecementos comerciais e hostaleiros de Bertamiráns (Conchi Vallina, Papelería Chavián e Don Budi) e noutros tres do Milladoiro (cafetería Casa da Cultura, Nenos Nais e Nonna & Go).