- Tematica
A unidade móbil de doazón de sangue estará o mércores 7, o xoves 8 e o venres 9 de xullo en Bertamiráns, na avenida da Maía, diante da praza da Maía. O horario será de tarde os días 7 e 8, de 15.30 a 21.00 horas. O venres 9 situarase no mesmo lugar en horario mañá, de 09:30 a 14.30 horas. Por mor da pandemia da Covid-19, e para regular a afluencia de doantes e evitar esperas, é necesario solicitar cita previa chamando ao número de teléfono 900 100 828.
Solicitude de cita previa para doar
Na situación actual, na que necesariamente debemos gardar certas prevencións sociais encamiñadas a preservar a saúde de todos, trabállase con cita previa para regular a afluencia de doadores, evitando esperas. A cita previa pódese solicitar chamando ao número de teléfono 900 100 828.
#sumateaonosoequipo
Dende 1985, a doazón de sangue por lei é un acto voluntario, altruísta, anónimo, universal e gratuíto. O sangue non se pode fabricar e so é posible obtelo grazas á doazón de persoas solidarias que axudan ás persoas enfermas a recuperar a saúde.
Os hospitais galegos precisan 10.000 doazóns de sangue cada mes. Todos os días o precisan moitas persoas que son sometidas a intervencións cirúrxicas, que sufriron accidentes de tráfico ou laborais, que padecen anemias, hemorraxias, cancro, leucemia, transplantes de órganos… Cada día, os hospitais galegos precisan entre 400 e 500 doazóns de sangue.
Para máis información sobre a doazón de sangue e os requisitos de saúde para participar premer aquí e neste PDF. Tamén podes ver este vídeo no que se explica o proceso de doazón.
Novas relacionadas:
Revista AmesGO: "A unidade móbil de doazón de sangue estará entre o mércores e o venres en Bertamiráns"
