- Dirección: Praza do Concello, nº 2, Bertamiráns.
- Teléfono: 981 88 30 02
- Horario de atención al público:
- De lunes a viernes, en horario de 9:00 a 14:00 horas.
- Responsable municipal: Concejalía de Promoción Económica
Otros Datos:
Solapas principales
Departamento de Promoción Económica y Empleo
Servicios y programas
Noticias del departamento
A Xunta de Goberno Local vén de aprobar o pasado 30 de decembro de 2021 o pagamento de 28.763,04 euros, correspondentes á liña de subvencións para a promoción do comercio local, exercicio 2021. A finalidade destas subvencións é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames, que estean legalmente constituídas e inscritas no rexistro municipal. Deste xeito, concédense estas axudas para a promoción comercial e para infraestruturas. As asociacións beneficiarias son Xuntanza de Empresarios de Ames (XEA), a Asociación de Empresarios do Parque Empresarial do Milladoiro e a Asociación de pequenos comerciantes Viorneira, Palmira Bulevar.
Mañá, venres 12 de xullo comeza unha nova edición do concurso Canta con Ames coa primeira xornada de preselección. Este ano a participación incrementouse máis dun 30% con respecto a edición anterior, pasando de 24 a 32 participantes. Entre os/as concursantes hai persoas de Ames pero tamén doutros puntos de Galicia e España. Haberá tres categorías: persoas ata 17 anos, con 12 participantes; persoas a partir dos 18 anos, na que se inscribiron 15 artistas; e dúos e tríos (catro dúos e un trío). Haberá dúas xornadas de preselección, unha mañá no Milladoiro e outra o sábado 13 en Bertamiráns. A semifinal será no Milladoiro o 3 de agosto e a final celebrase en Bertamiráns o 11 de agosto. O concurso será presentado por Loly Gómez, e o xurado estará composto por Inés Suárez, Noelia Bellas e Lara López.
As Súas Maxestades Melchor, Gaspar e Baltasar visitaron un ano máis as localidades de Bertamiráns e do Milladoiro, para poder estar con todas as nenas e nenos de Ames antes da noite de Reis. Co obxectivo de que as Súas Maxestades de Oriente puideran recibir a pequenos e adultos, o Concello habilitou os pavillóns polideportivos de ambos núcleos. Deste xeito, durante o martes 4 e mailo mércores 5 de xaneiro, en horario de mañá e tarde, arredor de 1.200 unidades familiares pasaron polos pavillóns para poder saudar e falar con Melchor, Gaspar e Baltasar. Ademais, 100 rapaces e rapazas, que non puideron acudir á Recepción real por mor dun confinamento por coronavirus, recibiron nos seus domicilios un pequeno agasallo e puideron falar cos Reis Magos a través de vídeo chamada. Pódense ver todas as imaxes da galería sobre a Recepción Real premedo neste enlace.
O Roteiro Maker, unha furgoneta que organiza obradoiros itinerantes gratuítos relacionados coa ciencia e a tecnoloxía, visitou os colexios de Agro do Muíño, A Maía, Barouta e Ventín entre o 20 e o 23 de febreiro para conmemorar o Día da Muller e a Nena na Ciencia. Nesta iniciativa participaron arredor de 400 alumnos e alumnas de educación infantil e primaria. Con esta iniciativa o Concello de Ames busca dar a coñecer a figura das mulleres en diversas áreas científicas. A empresa Mirabelle Comunicación Audiovisual está elaborando un vídeo sobre esta iniciativa que servirá para difundir o Roteiro Maker na Red Innpulso.
O Concello de Ames, a través da Concellaría de Promoción Económica, informa da posta en marcha do programa Vives Emprende da organización Acción Contra a Fame, cunha serie de talleres formativos en liña e de balde. O obxectivo é ofrecer ás persoas desempregadas unha saída laboral no emprendemento, a través da formación, o asesoramento e o acceso a axudas directas e microcréditos. Neste senso, dende o próximo martes 19 ao xoves 28 de abril desenvolveranse seis talleres de xeito telemático, entre as 10:00 e as 13:00 horas. Para participar, cómpre inscribirse na páxina web vivesemprendeconomiasocial.org.
As concellarías de Promoción Económica e Emprego, en colaboración con XEA, desenvolven por segundo ano consecutivo as xornadas “Volta ao cole co comercio”, unha iniciativa que ten como obxectivo dinamizar o comercio e a hostalaría local de cara ao inicio do curso lectivo. Nesta ocasión, a proposta alóngase durante catro días, e comprende actividades para a mocidade e para os cativos e cativas. As dúas xornadas para rapaces e rapazas a partir de doce anos xa foron celebradas a pasada semana, logrando un éxito de participación. Os días 6 e 7 ían ter lugar tamén as actividades para nenos e nenas. Finalmente, as xornadas foron adiadas por mor da previsión meteorolóxica, e desenvolveranse mañá, mércores 13, e o xoves, día 14.
A Xunta de Galicia entregou este martes, 3 de marzo, os galardóns dunha nova edición dos Premios á Responsabilidade Social Empresarial de Galicia (RSE). No apartado de pequena empresa foi premiada a entidade Tecalis Innovación con sede no parque empresarial do Milladoiro. A entidade Altia, que conta cunha delegación no parque do Milladoiro, recibiu o recoñecemento na categoría de gran empresa. Ademais, a Empresa Monforte foi premiada no apartado de mediana empresa; e Congalsa, galardoada coa mención á conciliación. O obxectivo destes premios é mostrar e reivindicar publicamente o labor daquelas empresas que adoptan principios e prácticas de responsabilidade solidaria na súa xestión e na súa actividade diaria. Por parte do Concello de Ames asistiron a este acto o alcalde, Jose Miñones, e maila concelleira de Promoción Económica e Emprego, Ana Belén Paz.
As entradas para asistir á actuación da París de Noia puxéronse á venda ás 12:00 do mediodía e ás 23:00 xa estaban esgotadas. As 15:00 horas foi o pico de reserva con case 150 entradas reservadas. O 80% das entradas vendéronse entre os veciños de Ames.
Os dezaoito traballos finalistas do primeiro concurso de fotografía organizado pola Xuntanza de Empresarios de Ames en colaboración co Concello de Ames xa están expostos. As fotografías premiadas na categoría paisaxe, macro e artística van permanecer expostas durante 15 días en tres dos locais asociados a XEA en Bertamiráns.
Cun sinxelo acto no que participaron o alcalde, Jose Miñones, a concelleira de Promoción Económica, Ana Belén Paz, e varios concelleiros e concelleiras do equipo de goberno, Ames acendeu as luces de Nadal o pasado sábado, 28 de novembro. O acto desenvolveuse diante do Concello e coa presenza, como convidados, do alumnado e os responsables do obradoiro de emprego. Unha das alumnas, Cristina Ferreiro Serranito, foi a encargada de premer o botón de acendido das luces. Preto de 150 elementos decorativos, entre os que destacan un photocall con forma de marco de fotos na praza do Concello, unha bola xigante luminosa instalada na praza da Madalena do Milladoiro, unha árbore de 15 metros na praza de Manuel Murguía da mesma localidade e a numeración 2021 na praza da Maía en Bertamiráns, alumean o Nadal de Ames desde o sábado. A iluminación intensifícase nas prazas e rúas máis comerciais, con especial relevancia na rúa Anxeriz e na Avenida Rosalía de Castro. En todas as parroquias locen tamén elementos decorativos propios destas datas. Para ver todas as imaxes do acto do día do acendido de luces de Nadal, prema nesta ligazón.
- ‹ anterior
- 13 de 48
- siguiente ›
Trámites del departamento
Eventos del departamento
O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.
O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.
O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.
O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.
Esta actividade destinada a nenos de entre 6 a 12 anos desenvolverase na carpa da Praza de Manuel Murguía no Milladoiro. As prazas son limitadas polo que é necesario inscribirse enviando un correo a promocioneconomica@concellodeames.gal. Prazo aberto ata o 18 de decembro.
Obradoiro destinado a nenos e nenas de 6 a 12 anos, que terá lugar na carpa da Praza de Chavián en Bertamiráns. As prazas son limitadas polo que se require inscrición enviando un correo a promocioneconomica@concellodeames.gal, dispoñible ata o 18 de decembro.
O obradoiro terá lugar na carpa da Praza de Manuel Murguía do Milladoiro. Está destinado a nenos e nenas de entre 7 a 12 anos e as prazas son limitadas, polo que é necesario inscribirse enviando un correo a promocioneconomica@concellodeames.gal, con prazo ata o 18 de decembro.
Obradoiro destinado a nenos e nenas de entre 3 a 6 anos, que terá lugar na carpa da Praza de Chavián en Bertamiráns. As prazas son limitadas polo que se necesita inscrición previa enviando un correo a promocioneconomica@concellodeames.gal.
Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.
- ‹ anterior
- 11 de 11