A Casa da Cultura do Milladoiro acolle o vindeiro mares, 7 de maio, a segunda edición dos Recoñecementos Escena Galega das Artes Escénicas. O evento está organizado por Escena Galega, a Asociación Galega de Empresas de Artes Escénicas en colaboración co Concello de Ames e e coa Xunta de Galicia, a través da Axencia Galega das Industrias Culturais. Con esta actividade, a entidade brinda recoñecemento sectorial a profesionais, entidades, instalacións, publicacións e persoal técnico vencellados ás artes escénicas de Galicia.

A Casa da Cultura de Bertamiráns acolleu esta mañá a presentación do ciclo de monólogos que se celebrará en Ames entre o 23 e o 26 de maio. A proposta, impulsada polo Concello a través do departamento de Cultura, inclúe actuacións de figuras consolidadas como Quico Cadaval, Pepo Suevos, Paula Carballeira e Carlos Blanco, xunto con artistas emerxentes como Antía Costas, Adrián do Regenco e Cristóbal Álvarez. Os espectáculos desenvolveranse tanto en Bertamiráns como no Milladoiro. As entradas poden adquirirse na Billeteira electrónica do Concello e, no caso de Carlos Blanco, a través de Ataquilla.com.

A vindeira semana continúa o ciclo Abril de Cine, unha iniciativa encadrada dentro da programación deseñada polo departamento de Cultura do Concello de Ames. O obxectivo deste proxecto é achegar o cinema clásico á veciñanza amesá. A terceira proxección será este martes, 16 de abril, co filme The Straigth Story (Unha historia verdadeira). O  martes 23 de abril poderase ver In the mood for love (Desexando amar). Todos os filmes serán proxectados en versión orixinal subtitulada no auditorio da Casa da Cultura do Milladoiro, ás 20:00 horas. Nas dúas proxeccións que quedan poder facer, haberá un coloquio en cada unha, nas que participarán o cineasta Alfonso Zarauza e a actriz e directora Jaione Camborda.

Esta semana continúa o ciclo Abril de Cine, unha iniciativa encadrada dentro da programación deseñada polo departamento de Cultura do Concello de Ames. O obxectivo deste proxecto é achegar o cinema clásico á veciñanza amesá. A segunda proxección será este xoves, 11 de abril, co filme Les 400 Coups (Os 400 golpes). Os martes 16 e 23 de abril poderase ver The Straigth Story (Unha historia verdadeira) e In the mood for love (Desexando amar). Todos os filmes serán proxectados en versión orixinal subtitulada no auditorio da Casa da Cultura do Milladoiro, ás 20:00 horas. Nas tres proxeccións que quedan poder facer, haberá un coloquio en cada unha, nas que participarán o escritor Diego Ameixeiras, o cineasta Alfonso Zarauza e a actriz e directora Jaione Camborda.