Actualidad

Por ejemplo, 15-06-2025
Por ejemplo, 15-06-2025
Sábado, 15 de febrero de 2025
Xa está aberto o prazo de inscrición para a excursión literaria “Viaxando con Rosalía”

O vindeiro sábado 22 de febreiro está programada unha excursión literaria baixo o nome de “Viaxando con Rosalía”. Esta actividade, enmarcada dentro da programación municipal “Rosalía Ames 2025” para celebrar o Día de Rosalía, consistirá nunha visita á casa da escritora en Padrón da man da experta rosaliana María López Sández. Conta cun total de 55 prazas, polo que para participar é preciso inscribirse enviando un correo a normalizacion@concellodeames.gal ou chamando ao número 662 377 215, entre o 14 e o 20 de febreiro. Poñerase a disposición dos asistentes un servizo de autobús, que sairá dende a Casa da Cultura do Milladoiro ás 9:30 horas e dende o Pazo da Peregrina de Bertamiráns ás 9:45 horas.

Viernes, 14 de febrero de 2025
A comunidade educativa amesá reafírmase na activación do Modo Galego cantando e bailando

Durante 4 semanas máis de 2.500 nenos e nenas do concello de Ames comprometéronse a falar galego o máximo posible con todo o mundo e en todos os contextos da vida cotiá, dentro e fóra das aulas, xogando e conversando coas amizades, nas tendas, nas actividades extraescolares, na casa. Participaron a través do programa Modo galego, Actívao!, impulsado polo Concello de Ames e a Real Academia Galega. A través de 16 retos o alumnado participou en diferentes actividades nas que se fomentou o uso da lingua galega. A terceira edición deste proxecto de investigación e acción implicou dunha maneira lúdica os nenos e nenas dos centros públicos de infantil e primaria amesáns e, como novidade, este ano estendeuse ao alumnado de 1º e 2º da ESO dos institutos do Milladoiro e Bertamiráns.

Jueves, 13 de febrero de 2025
O Concello de Ames presenta a programación do Día de Rosalía 2025, no que se conmemora a figura da escritora

O salón de Plenos da Casa do Concello acolleu está mañá a presentación da programación de actividades con motivo do Día de Rosalía, que se conmemora cada ano o 23 de febreiro. As actividades, que se desenvolverán entre os meses de febreiro e marzo, buscan, entre outras cuestións, revitalizar o pensamento, figura e obra de Rosalía de Castro, así como poñer en valor o vínculo da escritora con Ames. Ademais, búscase achegar á veciñanza, sobre todo entre a mocidade, a figura, obra e legado da escritora en Ames. Pódese descargar a programación completa desta edición na seguinte ligazón.

Viernes, 31 de enero de 2025
Xa está aberto o prazo de inscrición para asistir ao concerto de Pakolas, incluído no programa Apego

A programación do Apego continúa ao longo do mes de febreiro co concerto “Ecoralia, a lambona ecolóxica”, o novo proxecto de Pakolas, que estará na Casa da Cultura de Bertamiráns o vindeiro venres 7 de febreiro, ás 18.00 horas. As persoas interesadas en asistir a esta actividade, poderán facelo dende hoxe venres, 31 de xaneiro, ata o vindeiro día 6 de febreiro. Para inscribirse, é preciso enviar un correo electrónico ao enderezo normalizacion@concellodeames.gal indicando o nome e apelidos das persoas asistentes, idade das crianzas e un teléfono de contacto.

Jueves, 19 de diciembre de 2024
Rapazada de Ames no obradoiro de Enreguéifate

O proxecto Enreguéifate pecha este primeiro trimestre escolar cun total de sesenta obradoiros de improvisación oral realizados nunha trintena de centros dos concellos de Ames, Carballo, Pontevedra, Santiago de Compostela e Teo. O prazo de participación no certame abrirá do 20 de xaneiro ao 20 de marzo. Os galardóns entregaranse o 19 de maio no Auditorio de Galicia.

Martes, 10 de diciembre de 2024
Os integrantes do grupo Os da Ría serán os encargados de presentar e amenizar a gala

O Concello de Ames, a través do Servizo de Normalización Lingüística e do departamento de Promoción Económica, organizou un ano máis os Premios Lingua e Empresa. Desta volta, presentáronse 34 empresas, unha máis que na edición do pasado 2023. A alta participación indica a consolidación desta convocatoria como un incentivo para promover o uso do galego no tecido empresarial de Ames. As empresas gañadoras desta edición coñeceranse na Gala Lingua e Empresa que se celebrará na Casa da Cultura do Milladoiro este xoves, 12 de decembro, ás 20.30 horas. Os premios están dotados de 1500 euros e unha campaña publicitaria en Ames Radio, a emisora municipal.

Domingo, 08 de diciembre de 2024
O magnetismo da regueifa espállase polos centros escolares de Ames

Enreguéifate, puro magnetismo! é o lema da oitava edición que deu comezo no pasado mes de outubro cun obradoiro de formación para profesorado. Agora, no mes de decembro impartiranse os obradoiros de improvisación oral nos centros escolares de Ames dende o martes 10 de decembro. Ata o 19 de decembro, participarán nesta iniciativa o IES Plurilingüe de Ames, o IES do Milladoiro, o CEIP A Maía, o CEIP de Ventín e o CEIP Agro do Muíño. Serán un total de trece obradoiros, dirixidos a alumnado de 5º e 6º de primaria e do primeiro ciclo ESO, impartidos por Lupe Blanco e Josinho da Teixeira.

Miércoles, 20 de noviembre de 2024
Aberto o prazo de inscrición para unha nova edición do Club de Debate

Ata o 25 de novembro está aberto o prazo para que os centros educativos inscriban os seus equipos nunha nova edición do Club de Debate, unha actividade de dinamización lingüística dirixida a mozas e mozos de 3º e 4º da ESO, 1º de bacharelato ou ciclos formativos. Os equipos que se inscriban teñen que ser mixtos e estar formados por entre 4 e 10 persoas máis o/a preparador/a. A inscrición debe facerse a través do formulario que se facilite desde o SNL do Concello de Ames. Os equipos mellor clasificados nas primeiras fases recibirán premios de 500€ e 300€. Na final do Club de Debate participarán os equipos gañadores de toda Galicia e o premio para os que obteñan mellor puntuación será unha viaxe multiaventura dunha fin de semana.

Viernes, 15 de noviembre de 2024
Aberto o prazo de inscrición para o espectáculo “A marabillosa viaxe da Pinga Pingona”

O proxecto Apego continúa a súa programación de outono coa proposta “A marabillosa viaxe da Pinga Pingona”, de Laura Martínez Rey, que terá lugar na Casa da Cultura do Milladoiro o venres 22 de novembro, ás 18:00 horas. As persoas interesadas en anotarse poden facelo enviando un correo electrónico ao enderezo normalizacion@concellodeames.gal desde hoxe e ata o 21 de novembro, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o segundo semestre do 2024 pode consultarse premendo nesta ligazón.

Martes, 12 de noviembre de 2024
Os Premios Youtubeiras+ pechan este venres o prazo de inscrición para a primeira edición na que se admite a participación de vídeos en TikTok

Youtubeiras, proxecto organizado polos servizos de normalización lingüística de dez concellos (entre os que se atopa Ames), das tres universidades e da Deputación da Coruña co obxectivo de fomentar a creación de contidos dixitais en galego con temáticas e formatos diversos, pecha este venres 15 de novembro, ás 23.59 horas, o prazo de inscrición para a oitava edición dos seus premios. Premendo nesta ligazón podes consultar as bases do certame.