Avisos
Miércoles, 15 julio, 2020
O Concello de Ames abreu este luns, 15 de xuño, o prazo para solicitar os carnés de usuario/a das piscinas municipais descubertas de Bertamiráns e O Milladoiro. Os interesados/as poden descargar o impreso de solicitude na web municipal (ao pé deste aviso) e deberán envialo cuberto aos enderezos de correo electrónico: deportes@concellodeames.gal ou deportes.milladoiro@concellodeames.gal. O prezo dos carnés oscila entre os 5 e os 20 euros dependendo das circunstancias de cada usuario/a. As piscinas municipais abrirán do 1 de xullo ao 15 de setembro en horario de 11.00 a 21.00 horas. Por razóns de control de aforo, este ano non se venderán entradas soltas por día para acceder ás piscinas descubertas. O prazo de solicitude estará aberto ata o 31 de xullo.
De Lunes, 13 Julio, 2020 hasta Lunes, 27 Julio, 2020
A unión de consumidores de Galicia (UCGAL) informa que, por mor de dificultades técnicas, durante dúas semanas, as citas previas deberán concertarse a través do correo electrónico fcarames@consumidores.gal.
Jueves, 9 julio, 2020
O Concello de Ames, a través da Concellaría de Educación, informa da publicación das listaxes provisionais de solicitudes admitidas e excluídas para as renovacións nos servizos complementarios de educación (Bos Días Cole, Tardes Divertidas e Comedor Escolar) para o curso 2020-2021. O prazo de reclamación ou subsanación estará aberto ata finais do mes de agosto. As listas definitivas publicaranse a comezos do mes de setembro, antes do inicio do curso escolar.
De Martes, 30 Junio, 2020 hasta Viernes, 17 Julio, 2020
O Concello de Ames publica os impresos para realizar as inscricións nos campamentos de verán 2020. As Concellarías de Medio Ambiente e Mocidade ofrecen, a través deste programa, 252 prazas repartidas entre 9 campamentos diferentes que se desenvolverán en diferentes datas entre o 6 de xullo ao 5 de setembro. Os prazos de matrícula varían segundo o campamento de destino elixido. Ao pé deste aviso pódese descargar a documentación necesaria para realizar a inscrición.
Sábado, 27 junio, 2020
O Concello de Ames, a través da Concellaría de Educación, informa de que están expostas as listas definitivas de nenos/as admitidos e excluídos no programa municipal da Escola de Verán 2020. Este servizo está dirixido aos nenos e nenas de Ames que durante o prazo de inscrición estivesen escolarizados no segundo ciclo de educación infantil e primaria.
Viernes, 26 junio, 2020
O Concello de Ames publica as listas definitivas de usuarios/as preinscritos nos campamentos de verán de Mougás e do Terrón. Antes do sorteo comunicáronse 3 baixas no campamento xuvenil de Terrón, polo que non foi necesario realizar dito sorteo. Para o campamento de Mougás si foi necesario realizar o sorteo. Premendo na ligazón que está ao pé deste aviso podes consultar a lista definitiva de usuarios/as preinscritos nos campamentos de verán de Mougás e do Terrón e maila lista de agarda do campamento de Mougás.
Jueves, 25 junio, 2020
O Concello de Ames publica as listas definitivas de usuarios/as admitidos/as no programa de campamentos municipais para este verán, a través do cal ofertan 252 prazas repartidas entre 9 campamentos diferentes que se desenvolverán en diferentes datas entre o 6 de xullo ao 5 de setembro. Para os solicitantes do campamento de Terrón, e os de prioridade 3 do campamento de Mougás (ambos de secundaria e bacharelato), realizarase un sorteo este venres ás 12.00 horas no Salón de Plenos do Concello de Ames.
Jueves, 25 junio, 2020
O Concello de Ames, a través da Concellaría de Educación, informa de que están publicadas as listas definitivas de nenos/as admitidos/as nas escolas infantís municipais O Bosque, de Bertamiráns, e A Madalena, do Milladoiro, para o curso 2020-2021.
Do 15 ao 30 de xuño está aberto o prazo de renovación de praza na Escola Municipal de Música de Ames
Martes, 23 junio, 2020
A Escola Municipal de Música de Ames abrirá o prazo de renovación de prazas para o curso 2020-2021 do 15 ao 30 de xuño. Este primeiro prazo de inscrición está orientado, exclusivamente, ás alumnas e alumnos da Escola para a continuación dos seus estudos. Debido ás circunstancias xa coñecidas, a renovación realizarase preferiblemente a través da sede electrónica do concello. Pódese descargar o formulario de solicitude de renovación de praza ao pé deste aviso.
Martes, 23 junio, 2020
O próximo luns, 22 de xuño, abre o prazo de inscrición para os primeiros cursos de natación deste verán, que se desenvolverán ao longo do mes de xullo. Ao pé deste aviso poderás obter o impreso de solicitude para realizar a inscrición. O prazo para facelo estará aberto ata o vindeiro día 28.
En canto as cursos de iniciación ao piragüismo, as inscricións hai que tramitalas de xeito telemático enviando un correo electrónico a deportes@concellodeames.gal, no momento da recepción do correo enviarase o impreso de inscrición ao interesado/a.
- ‹ anterior
- 116 de 136
- siguiente ›