O Concello de Ames súmase ao loito oficial polas vítimas da epidemia da Covid-19, que se estenderá dende hoxe, mércores 27 de maio, ata o día 6 de xuño. Durante estes días as bandeiras de España e Galicia da Casa do Concello ondearán a media asta.

Dende a Concellaría de Medio Ambiente informan de que nesta época do ano, despois das choivas e coa chegada da calor, poden verse, outro ano máis, serpes de agua no paseo fluvial de Bertamiráns. Trátanse dunhas serpes que aparentemente nos recordan as víboras pola súa forma e color, pero nada teñen que ver con elas, xa que pertencen ao xénero Natrix, que é inofensivo.

Despois de coñecer que a provincia da Coruña pasará á fase 1 do plan para a transición cara a nova normalidade, e para dar cumprimento ao establecido na Orde SND/399/2020, do 9 de maio, publicada nesta data, o Concello de Ames, informa que se permitirá a ampliación do espazo das terrazas, sempre que se cumpran os requisitos necesarios.

Dende o Concello de Ames infórmase que dende este venres, 8 de maio de 2020, elimínanse as franxas horarias para as saídas de poboación en xeral (paseos e deporte non profesional) nas parroquias de menos de 5.000 veciños/as, polo que no termo municipal de Ames soamente se manteñen as restricións para saír á rúa, por franxas horarias, nas parroquias de Ortoño e Biduído. Dende o Concello de Ames apélase á responsabilidade dos veciños e veciñas no cumprimento das normas polo ben común e evitar así un posible retroceso no control da pandemia.