Avisos
Viernes, 13 marzo, 2020
O Concello de Ames, a través da Concellaría de Servizos Básicos, informa de que a empresa Espina & Delfín pecha temporalmente ao público as súas oficinas dos servizos de auga de Bertamiráns e do Milladoiro.
Jueves, 12 marzo, 2020
O Concello de Ames informa de que xa están expostas as listas provisionais de usuarios/as admitidos/as no programa municipal Primavera Lúdica 2020. Premendo nos enlaces que están ao pé deste aviso poderás consultar as listas de Bertamiráns e do Milladoiro. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o.
Viernes, 6 marzo, 2020
A Escola Municipal de Música de Ames dispón de 6 prazas libres na modalidade de “Música e Movemento”, destinada a nenos/as nados no ano 2014. O horario da clase é os luns e mércores de 16.30 a 17.30 horas.
Miércoles, 26 febrero, 2020
Dende o departamento de Educación informáselle ás familias usuarias sobre o cobro dos recibos dos servizos complementarios municipais. O día 28 de febreiro pasarase o cobro dos recibos dos servizos de Comedores escolares, Bos días cole e Tardes divertidas, correspondentes ao mes de xaneiro de 2020.
Martes, 18 febrero, 2020
A Concellaría de Deportes fai pública a listaxe de prazas libres para apuntarse nas Escolas Deportivas municipais.
Martes, 4 febrero, 2020
O Concello de Ames entregou 150 boletos a cada establecemento inscrito no XIV Concurso de Escaparates do Concello de Ames Nadal 2019 para que foran distribuídos entre a súa clientela. Despois da realización do sorteo na reunión do xurado que se desenvolveu o pasado luns, 27 de xaneiro, estas son as persoas agraciadas cun talón bancario por importe de 100 euros para a realización de compras nos establecementos comerciais de Ames:
Jueves, 30 enero, 2020
O Concello de Ames informa de que xa están expostas as listas provisionais de usuarios/as admitidos/as no programa Entroido Lúdico. Premendo nos enlaces que están ao pé deste aviso poderás consultar as listas de Bertamiráns e do Milladoiro. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o.
Jueves, 2 enero, 2020
O Concello de Ames, a través da Concellaría de Servizos Básicos, informa de que para facer uso do servizo de recollida de voluminosos e enseres a domicilio hai que chamar aos números de teléfono 639 107 638 ou 609 533 516. O número de teléfono 981 19 12 40, do que se facía uso ata agora, non funciona. Ao chamar a ditos números de teléfono, acórdase a data e un lugar, onde se atopa un contedor próximo, onde se realizará a recollida de enseres e voluminosos.
Viernes, 20 diciembre, 2019
Ao pé deste aviso podes escoitar as 21 pezas do IX Concurso Radiofónico de Teatro Lido de Ames “Desata a Lingua”. A novena edición do Concurso de Teatro Lido de Ames, Desata a Lingua! contou coa participación dun total de 69 alumnos/as de 1º, 2º, 3º e 4º da ESO, repartidos en 21 grupos, 7 do IES do Milladoiro e 14 do IES de Ames, en Bertamiráns. O certame, que é convocado anualmente polo Concello de Ames a través dos departamentos de Normalización Lingüística, Mocidade e Comunicación, pretende fomentar, dunha forma creativa e orixinal, o uso do galego entre a mocidade.
Viernes, 20 diciembre, 2019
O Concello de Ames informa de que debido ás inclemencias meteorolóxicas non funcionan os reemisores da TDT que están situados en Agrón, Tapia e Castiñeiro do Lobo. Estanse intentando arranxar os problemas técnicos existentes en ditos reemisores para que volvan a funcionar o máis axiña posible. Desculpen as molestias.
- ‹ anterior
- 120 de 134
- siguiente ›