Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

O Concello de Ames informa do cambio de ubicación da parada de taxis do Milladoiro, que pasa a estar situada no cruce da rúa Anxeriz coa rúa Pardiñeiros. Este cambio está motivado polas obras de humanización do Milladoiro en dirección Padrón, que se están executando actualmente na N-550.

O Concello de Ames informa sobre o cambio de data do campamento municipal de verán, que está dirixido á rapazada de sexto de primaria. Segundo puxeron en coñecementos as ANPAS dos centros de ensino a data inicial (do 25 ao 30 de xuño) coincide coa excursión de fin de curso dos rapaces e rapazas de sexto de primaria, co cal decidiuse realizar o campamento Mar de Oleiros, do 13 ao 18 de xullo. Para este campamento hai 60 prazas a un prezo de 180/persoa.

O Concello de Ames abre ata o 31 de marzo o prazo para que as persoas usuarias dos servizos complementarios de educación e conciliación poidan preinscribirse ou renovar praza para o vindeiro curso 2025-2026, na Rede de Comedores Escolares e nos programas Bos Días Cole e Tardes Divertidas. As persoas interesadas poden realizar a tramitación administrativa das súas solicitudes a través da páxina web de Conciliames, presentando a documentación asinada dixitalmente na Sede electrónica do Concello de Ames. Tamén poden entregala en papel nas oficinas de asistencia en materia de rexistro do Concello de Ames. Ademais, as persoas sen Internet poden solicitar asistencia presencial chamando ao 981 891 476.