Debido ás condicións meteorolóxicas previstas para esta fin de semana, queda adiada a actividade de Paintball do programa Trouleando prevista para este sábado. En base á dispoñibilidade da instalación, a nova data proposta para realizar a actividade é o 23 de marzo. As persoas apuntadas na actividade teñen ata o día 13 de marzo para comunicar ao departamento de Mocidade, a través do correo electrónico, o interese ou non en participar nesta nova data proposta. Se non se forma un grupo mínimo de 20 persoas ou as condicións meteorolóxicas volven a ser adversas, a actividade quedaría cancelada definitivamente.

O prazo de inscrición para participar na carreira “Moitos camiños, mesma meta” finaliza mañá, mércores día 5, ás 14 horas. Trátase dunha cita deportiva lúdica e non competitiva, incluída dentro do programa elaborado polo Concello con motivo da conmemoración do Día Internacional da Muller.

Xa está aberto o prazo para solicitar as subvencións para a promoción de actividades culturais levadas a cabo polas asociacións culturais no exercicio de 2025. O prazo para solicitar esta axuda, que suma unha contía de 30.000 euros, estará aberto ata o vindeiro luns 31 de marzo.

Na Xunta de Goberno Local do 13 de febreiro de 2025 aprobouse o expediente da terceira licitación, mediante procedemento aberto, tramitación ordinaria, cun único criterio de adxudicación que é o prezo, para a concesión de unidades de enterramento no cemiterio municipal de Os Batáns. Os/as interesados/as deberán presentar ata o 18 de marzo, ás 23.59 horas, a correspondente solicitude para a adxudicación de unidades de enterramento do cemiterio municipal de Ames. A solicitude pódese realizar a través da Sede electrónica ou de xeito presencial nas oficinas de asistencia en materia de rexistro de Bertamiráns e do Milladoiro.