[19-09-2013] Efectivos do Tedax (Técnico Especialista en Desactivación de Artefactos Explosivos) da Garda Civil achegáronse este mediodía ata o Milladoiro para investigar e analizar o contido dunha maleta que apareceu abandonada nunha beirarrúa do polígono industrial do Milladoiro. Finalmente, e tras as comprobacións pertinentes, resultou ser unha falsa alarma. Ata a zona tamén se desprazaron efectivos da Garda Civil e da Policía Local de Ames.
A maleta atopouse nunha beirarrúa da Rúa das Hedras, próxima ao campo do fútbol do Milladoiro. O aviso foi dado por un veciño da zona á Garda Civil do Milladoiro. Ata o lugar, que foi acordonado, tamén se desprazaron membros da Policía Local de Ames.
Seguidamente, chegaron á zona os efectivos do Tedax, procedentes da Coruña, que examinaron a maleta mediante cans adestrados e cun robot, que abriu a maleta para comprobar o seu contido. Ata o lugar tamén se desprazaron o alcalde de Ames, Santiago Amor, e numerosos medios de comunicación.
Contido relacionado
El Correo Gallego: "La maleta de O Milladoiro estaba llena de cintas de vídeo"
La Voz de Galicia: "La maleta sospechosa de Milladoiro tenía cintas de vídeo"