“Contos do dereito e do revés” é unha actividade de dinamización lingüística e sensibilización fronte á violencia de xénero a través de narración de contos tradicionais e de obras de creación contemporánea. Será levada a cabo pola narradora oral Eli Ríos.

A sesión de contacontos forma parte do proxecto “Igual-son”, xestionado polo grupo Capicúa. Este último traballa con obradoiros e contadas na sensibilización de diferentes grupos de idade. Ademais o proxecto enmárcase na campaña “Nós contra a violencia”, que combina a dinamización lingüística coa sensibilización contra a violencia de xénero.

Esta campaña desenvólvese no marco do Pacto do Estado contra a violencia de xénero e nela colaboran o Ministerio da Presidencia, Relación coas Cortes e Igualdade, a Secretaría Xeral de Política Lingüística e a Secretaría Xeral da Igualdade da Xunta de Galicia.