O club de tenis Val da Maía, en colaboración co departamento de Deportes do Concello de Ames, organizou o II Aberto de San Xoán o pasado mes de xuño nas pistas de tenis de Aldea Nova. Os/as 101 participantes inscritos/as na competición estiveron divididos en cinco categorías diferentes: alevín, infantil, junior, absoluto e veteranos+35. Todas elas contaron con categoría feminina e masculina.  

Na categoría feminina absoluta, a gañadora foi Blanca Trillo, do Real Club Tenis Coruña, seguida de Ariadna Lucio, do Club Tenis O Rial. Así mesmo, na categoría masculina absoluta, proclamouse campión o tenista da Asociación Deportiva Val da Maía Jesús Santomil. O segundo posto foi para Alejandro Pérez, do club Casino Mercantil e Industrial de Pontevedra.

Por outra banda, na categoría alevín feminina, o primeiro e o segundo posto foron a parar ao Club W, da man da campiona Emma Bralo e da subcampiona Eire Martínez. Na modalidade masculina da categoría, o gañador foi Diego Becerra, do Sporting Club Casino Coruña, seguido de Djawzveda Mariño, do Club Squash Santiago.

Dentro da categoría infantil, na modalidade feminina o primeiro posto foi para Noela Lois, do Círculo Cultural Mercantil e Industrial Vigo; seguida de Irene García, do Real Club Tenis Coruña. Na modalidade masculina o gañador foi Jaime Martínez, do Club USC, seguido de Diego Becerra, do Sporting Club Casino Coruña.  

A categoría xúnior só se dispoutou en modalidade masculina, na que o campión foi o tenista do Club Tenis O Rial Alejandro Couso. O subcampión foi Héctor Rodeiro, do Club Tenis Redes.

Por último, dentro da categoría veteráns +35, na modalidade feminina tanto a campiona María del Pilar Rey como a subcampiona Araceli Cristobo pertencen á Asociación Deportiva Val da Maía. Por outra banda, na modalidade masculina,  o gañador foi Iván Piñeiro, do Club Squash Santiago, seguido de José Ángel Méndez, do Club Tenis Punta Salera. 

Novas relacionadas:

La Voz de Galicia: "Más de un centenar de tenistas disputó en Ames el Aberto de San Xoán"