- Dirección: Avenida de Azcárraga, nº 5, Bertamiráns.
- Teléfono: 981 89 14 76
- educacion@concellodeames.gal
- Horario de atención al público:
- De lunes a viernes, en horario de 9:00 a 14:00 horas.
- Responsable municipal: Concejalía de Educación
Solapas principales
Departamento de Educación
Servicios y programas
Noticias del departamento
O Concello de Ames, a través do seu alcalde, Blas García, vén de enviarlle unha carta ao conselleiro de Cultura, Educación, Formación Profesional e Universidades, Román Rodríguez, e ao Director da Axencia Galega de Infraestruturas, Francisco Menéndez, para solicitar información sobre o estado do expediente de contratación do novo CEIP do Milladoiro.
O alcalde de Ames, Blas García, envioulle esta xoves, 13 de xullo, unha carta dirixida ao conselleiro de Educación, Román Rodríguez, para solicitarlle unha xuntanza de traballo co obxectivo de trasladarlle as necesidades educativas existentes nos CEIP de Barouta, A Maía, Agro do Muíño e na Escola de educación infantil do Milladoiro. O obxectivo é manter un encontro o antes posible para organizar un plan de actuación, xa que algunhas das obras que hai que executar son moi urxentes e deberían realizarase durante este verán.
Os nenos e nenas da escola infantil municipal A Madalena adicaron as últimas semanas a estudar os distintos oficios. Para ver como se desenvolven algúns dos oficios que trataron nas aulas, recibiron a visita de tres axentes da Policía Local de Ames. Ademais, tamén foron de excursión á cidade de Santiago de Compostela, onde viron a catedral e realizaron unha visita no tren turístico polos parques da cidade. Estas actividades enmárcase dentro do programa "Coñecendo o entorno máis próximo”.
Algúns dos bombeiros do GES de Brión e persoal da Agrupación de voluntarios/as de Protección Civil do Concello de Ames visitaron ao alumnado da Escola Infantil Municipal A Madalena, do Milladoiro. Desta forma puideron explicarlle ao alumnado de 2 a 3 anos en que consiste o seu traballo. Os nenos e nenas puideron subir no camión de bombeiro e no vehículo de intervención rápida de Protección Civil. Esta actividade enmárcase dentro do programa "Coñecendo o entorno máis próximo”. Na escola tamén están traballando coa unidade didáctica dos oficios.
O alumnado da escola infantil municipal A Madalena visita o centro de terapia “O Fogar do meu burro”
O persoal e mailo alumnado da escola infantil municipal A Madalena, do Milladoiro, volveu a recuperar as actividades que se viñan realizando fóra do centro escolar. Despois de dous anos sen facer este tipo de actividades pola pandemia da Covid, os rapaces e rapazas de 2 a 3 anos desta escola municipal puideron participar nunha plantación de carballos e tamén acudiron ao Fogar do meu burro, situado na aldea de Lamas, na parroquia de Ames. Durante a visita estiveron acompañados do músico e terapeuta, Tomas Rábanos. Os nenos e nenas puideron montarse nos burros, acariñalos e cepillalos.
Un ano máis, as nenas e nenos da Escola Infantil Municipal “O Bosque” realizaron unha saída ao centro de día “Más Vivir” de Bertamiráns. A actividade consistía en pasar un rato cos avós e avoas que están no centro para así compartir xogos e actividades. A experiencia vívea unha clase de 2 a 3 anos por trimestre.
O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance.
O salón de plenos da Casa do Concello, en Bertamiráns, recibiu esta mañá a visita do alumnado de sexto curso de educación primaria do CEIP Agro do Muíño, que se achegou á casa consistorial para coñecer de primeira man como desenvolve as súas funcións. Así, acompañados de varios membros do Goberno local, 73 nenos e nenas aprenderon como funciona un pleno municipal, o traballo que realizan os edís municipais e as funcións que cumpre a Administración local. Ademais, a rapazada puido trasladar aos membros da corporación as súas dúbidas e preguntas.
Esta mañá o alumnado do CEIP Agro do Muíño visitou a Casa do Concello coas súas mestras. Os rapaces e rapazas dos dous cursos de terceiro de primaria deste centro aprenderon, da man do alcalde e dos concelleiros e concelleiras do grupo de goberno, o funcionamento dos plenos, o traballo que realizan os edís municipais e as funcións que cumpre a Administración local. Tamén falaron da experiencia de inmersión lingüística na que participaron a través do proxecto Modo galego, actívao!, promovido pola Real Academia Galega e o Concello de Ames. Ao rematar a visita á Casa do Concello desprazáronse ata o Pazo da Peregrina para visitar a exposición "O herbario de Rosalía", unha mostra de 50 láminas con imaxes de especies botánicas asociadas ás obras da escritora.
Na procura de celebrar e preservar a rica tradición do Entroido galego, e co gallo de celebrar o día mundial da radio, o alumnado do Equipo de Dinamización Lingüística do IES do Milladoiro organizou este pasado venres, 9 de febreiro, un proxecto audiovisual cheo de paixón: un programa de radio en directo a través do que se mergullou ás persoas oíntes nunha viaxe cultural polas catro provincias galegas. O programa realizouse no salón de usos múltiples do instituto e tivo unha duración de 100 minutos. A volta das vacacións de Entroido o podcast estará dispoñible na canle da radio do IES.
- ‹ anterior
- 13 de 23
- siguiente ›
Trámites del departamento
Eventos del departamento
O Concello de Ames organiza o mércores 31 de agosto un acto na memoria dos once concelleiros da corporación municipal de Boimorto, detidos e asasinados pola represión franquista o 20 de agosto de 1936 nos Batáns. A homenaxe servirá ademais para informar sobre os traballos realizados na parroquia de Ortoño a comezos de agosto pola Asociación para a Recuperación da Memoria Histórica (ARMH), co fin de localizar os corpos de seis dos once represaliados durante a Guerra Civil. Será ás 18:00 horas, na carballeira de Ortoño, ao carón da igrexa parroquial. Trátase dun acto aberto a toda a veciñanza que desexe asistir.
A ANPA do CEP de Ventín organiza o 5 dedecembro na Casa da Cultura do Milladoiro, ás 18:30 horas, unha actividade formativa chamada "Para, Pensa, Conéctate contra a violencia de xénero". Nela falarase sobre o uso responsable das tecnoloxías para a prevención contra o ciberacoso e a violencia de xénero dixital.
A ANPA As Brañas e mailo CEP de Ventín organizan unha charla sobre a miopía que está dirixida ás familias. Será o venres, 3 de novembro, ás 17.00 horas, na Casa da Cultura do Milladoiro. Nesta actividade colaboran o Concello de Ames e maila Universidade de Santiago de Compostela.
O CEIP de Barouta e as familias de sexto de Educación Primaria organizan o sábado, 25 de maio, a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, obradoiros, un concerto e unha tómbola. Todo o recadado irá destinado á excursión de fin de curso do alumnado de 6º de primaria.
Durante a xornada haberá diversos xogos populares para os cativos e cativas, unha tómbola con máis de 70 premios e, ao remate, un concerto a cargo de Pakolas.
O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance. Polo momento, o libro non estará dispoñible en librerías, pero poderá adquirirse durante a presentación ou chamando ao centro escolar para encargar algún exemplar.
O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.