Solapas principales

Departamento de Promoción Económica y Empleo

Noticias del departamento

Ana Rosa Lista expuxo unha escolma do seu traballo na Mostra internacional "Renda Bilros", en Peniche

A amesá Ana Rosa Lista foi unha das artesás que acudiu este ano á Mostra internacional "Renda Bilros", en Peniche (Portugal), que se celebrou do 17 ao 21 de xullo. Alí contou cun stand no que expuxo unha escolma do seu traballo. Desta volta, a artista amesá optou por expoñer a colección de Luis Seoane e aproveitou os catro días de mostra para amosar as súas habilidades cos palillos.

Anaís Fernández, Paula Barreiro, e o dúo de Silvia Veiga e Cecilia Pardo gañan a cuarta edición do Canta con Ames

O parque do Ameneiral, en Bertamiráns, acolleu este pasado domingo, 11 de agosto, a fase final da cuarta edición do concurso “Canta con Ames”. As/os finalistas interpretaron dous temas completos de distinto estilo musical. Trala actuación das/os finalistas, o xurado decidiu que as/os gañadoras/es desta edición son Anaís Fernández, na categoría de persoas ata 17 anos; Paula Barreiro, na categoría maiores de 18 anos; e Silvia Veiga e Cecilia Pardo, na categoría dúos e tríos. A concelleira de Promoción Económica, Ana Belén Paz, destacou a boa afluencia de público que tivo a final e tamén o éxito desta cuarta edición do certame. Premendo nesta ligazón podes acceder á galería de imaxes do evento.

Aprobada a adxudicación do proxecto de mellora da accesibilidade no Milladoiro e Bertamiráns incluído no Plan Impulsa Ames cofinanciado con fondos europeos do FEDER

O Concello de Ames, a través de dous decretos da Alcaldía, vén de aprobar a adxudicación das obras de eliminación de barreiras e mellora da accesibilidade en Bertamiráns e no Milladoiro. Este proxecto está incluído no Plan Impulsa Ames, que está cofinanciado co Fondo Europeo de Desenvolvemento Rexional (FEDER). No caso de Bertamiráns, os traballos foron adxudicados á empresa Obras y Viales de Galicia SL (OVIGA SL) por un importe de 69.820 euros. Con respecto ao Milladoiro, as obras foron adxudicadas a Construcciones Iglesias Mera SL por un importe de 10.807,45 euros. O proxecto ten un orzamento total de 80.627,45 euros.

Apróbase a licitación da obra de construción dun centro multifuncional de lecer, cultura e promoción económica no Milladoiro

Na Xunta de Goberno Local celebrada este xoves, 1 de setembro, aprobouse o expediente de licitación, mediante procedemento aberto simplificado da obra de construción do centro multifuncional de lecer, cultura e promoción económica dirixido á mocidade e persoas en risco de exclusión social no Milladoiro, que está cofinanciado polo Fondo Europeo de Desenvolvemento Rexional (FEDER) no  marco do Programa Operativo Plurirrexional de España 2014-2020.

Apróbase a licitación do concurso de ideas para a creación do Centro da mocidade incluído no Plan Impulsa Ames financiado con fondos europeos FEDER

A Xunta de Goberno Local aprobou a licitación do concurso de ideas, por un importe de 30.000 euros, para a creación dun centro de ocio, cultura e promoción económica no Milladoiro, a través de decreto da Alcaldía. Este acordo coincide coa declaración do estado de alarma por parte do Goberno do Estado, polo tanto está suspendido temporalmente o prazo de presentación de ofertas a dita licitación. Este proxecto está incluído no Plan Impulsa Ames que está financiado con fondos europeos FEDER. O centro construirase no Milladoiro, na avenida Muíño Vello, xunto ao parque empresarial e nas proximidades do instituto, a área de ocio, o albergue e a Igrexa do Milladoiro.

Apróbase a licitación do contrato de redacción do proxecto básico e de execución para a construción do Mercado municipal de abastos de Ames

A Xunta de Goberno Local aprobou este pasado xoves, 20 de xullo, o expediente de contratación, mediante procedemento aberto simplificado, para a redacción do proxecto básico e de execución da construción do Mercado municipal de abastos de Ames, convocando a licitación. Dito contrato conta cun orzamento base de contratación de 33.036,77 euros. O proxecto abordará a rehabilitación da Casa de Barbazán, situada en Bertamiráns, e a súa ampliación para acoller os espazos necesarios para crear unha praza de abastos e un espazo cuberto, aberto e flexible para empregar como mercado para os produtores locais e dos seus produtos de proximidade. Tamén se ordenará o espazo exterior, hoxe utilizado unicamente coma aparcamento, para poder acoller actividades de mercado ao aire libre ou outro tipo de eventos, buscando a máxima polivalencia para a utilización deste espazo. Premendo nesta ligazón podes ver un vídeo explicativo do anteproxecto do Mercado municipal de abastos.

Apróbase a licitación do servizo de xestión do laboratorio amesán de produción audiovisual, o Ames AV Lab, por 59.416 euros

A Xunta de Goberno Local de Ames vén de aprobar, o pasado 27 de xullo, o expediente de contratación do Servizo de Xestión, coordinación, asesoramento, comunicación e difusión do Laboratorio para o impulso da nova produción audiovisual dende o Concello de Ames (Ames AV Lab). Dito servizo licitarase por importe de 59.416,65 euros. O Ames AV Lab é un laboratorio de aceleración de proxectos audiovisuais que busca impulsar a produción, fomentar o talento emerxente e dinamizar o importante tecido produtivo do sector audiovisual no concello.

Apróbase o expediente de licitación do servizo de execución e seguimento das accións do programa de inserción laboral de colectivos desfavorecidos

Na Xunta de Goberno Local celebrada este xoves, 26 de xaneiro de 2023, aprobouse o expediente de licitación, mediante procedemento aberto simplificado, do servizo para a execución e seguimento das accións do programa de inserción laboral para colectivos desfavorecidos do concello de Ames que estará cofinanciado polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020.

Apróbase o expediente de licitación do servizo para o desenvolvemento dunha plataforma web e móbil que permita promocionar o comercio local

Na Xunta de Goberno Local celebrada o pasado 14 de xullo de 2022 aprobouse o expediente de licitación, mediante procedemento aberto simplificado do servizo para o desenvolvemento dunha plataforma web e móbil que permita promocionar o comercio local do concello de Ames, que estará cofinanciado polo Fondo Europeo de Desenvolvemento Rexional (FEDER) no  marco do Programa Operativo Plurirrexional de España 2014-2020.

Apróbase o pagamento das axudas para a promoción do comercio local

A Xunta de Goberno Local vén de aprobar o pasado 30 de decembro de 2021 o pagamento de 28.763,04 euros, correspondentes á liña de subvencións para a promoción do comercio local, exercicio 2021. A finalidade destas subvencións é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames, que estean legalmente constituídas e inscritas no rexistro municipal.  Deste xeito, concédense estas axudas para a promoción comercial e para infraestruturas. As asociacións beneficiarias son Xuntanza de Empresarios de Ames (XEA), a Asociación de Empresarios do Parque Empresarial do Milladoiro e a Asociación de pequenos comerciantes Viorneira, Palmira Bulevar.

Eventos del departamento

>Servizo de conciliación

O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.

>Servizo de conciliación

O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.

>Servizo de conciliación

O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.

>Servizo de conciliación

O Concello de Ames, a través da Concellaría de Promoción Económica, pon en marcha un servizo de conciliación para que os pais e nais poidan realizar as cúas compras de Nadal no comercio local. Este servizo estará dispoñible do 12 de decembro ata o 9 de xaneiro nos centros de ocio; Planeta Máxico, no Milladoiro, e A Mona Ramona, en Bertamiráns.

>Showcooking de turrón de chocolate

Esta actividade destinada a nenos de entre 6 a 12 anos desenvolverase na carpa da Praza de Manuel Murguía no Milladoiro. As prazas son limitadas polo que é necesario inscribirse enviando un correo a promocioneconomica@concellodeames.gal. Prazo aberto ata o 18 de decembro.

>Showcooking de turrón de chocolate

Obradoiro destinado a nenos e nenas de 6 a 12 anos, que terá lugar na carpa da Praza de Chavián en Bertamiráns. As prazas son limitadas polo que se require inscrición enviando un correo a promocioneconomica@concellodeames.gal, dispoñible ata o 18 de decembro.

>Taller de cupcakes

O obradoiro terá lugar na carpa da Praza de Manuel Murguía do Milladoiro. Está destinado a nenos e nenas de entre 7 a 12 anos e as prazas son limitadas, polo que é necesario inscribirse enviando un correo a promocioneconomica@concellodeames.gal, con prazo ata o 18 de decembro.

>Taller de galletas de Nadal

Obradoiro destinado a nenos e nenas de entre 3 a 6 anos, que terá lugar na carpa da Praza de Chavián en Bertamiráns. As prazas son limitadas polo que se necesita inscrición previa enviando un correo a promocioneconomica@concellodeames.gal.

>“Fase Festa”, con Pepo Suevos, no Milladoiro

Música e moito humor. O actor, guionista, humorista e veciño de Ames, Pepo Suevos, a cantante Fátima Pego e o músico Josep Ruíz, compoñentes da orquestra "Panorama", soben xuntos ao escenario para amosarnos “Fase Festa”, unha especie de verbena en pequeno formato, adaptada aos tempos que nos toca vivir.