As Casas da Cultura de Bertamiráns e do Milladoiro volveron ser protagonistas un ano máis do Festival internacional de Maxia “FestiMax”, unha das citas máis características do outono amesán, que se celebrou os días 25, 26 e 27 de outubro. O evento, que reuniu a un total de 1.056 persoas, estivo cargado de humor, sorpresas e ilusionismo. Houbo espectáculos moi variados e de gran calidade artística. A veciñanza amesá puido desfrutar ao longo de tres xornadas dos espectáculos e obradoiros de magos galegos e internacionais. Nunha sondaxe que se fixo ao saír das distintas sesión da Gala máxica internacional, as persoas asistentes manifestaron que este ano sorprendeunos positivamente a variedade e estilo dos números, que incluíron desde maxia de preto e cómica ata grandes ilusións. Preme nesta ligazón para ver a galería fotográfica do FestiMax 2024.

As Casas da Cultura de Bertamiráns e do Milladoiro acollen este venres, sábado e domingo o XIX Festival internacional de Maxia de Ames. Este festival, organizado polo Concello de Ames en colaboración da Deputación da Coruña, conta cun programa repleto de espectáculos e obradoiros dirixidos a todos os públicos. Este ano como novidade inclúese na programación un photocall máxico, unha sesión de maxia para maiores, e outra para bebés para a que xa están esgotadas as entradas. Quedan entradas dispoñibles para a última sesión da gala máxica internacional, o domingo 27 de outubro ás 19:30 horas en Bertamiráns. Tamén queda algunha praza dispoñible para os obradoiros de maxia. As entradas pódense adquirir na Billeteira electrónica.

As Casas de Cultura de Bertamiráns e do Milladoiro acollerán do 25 ao 27 de outubro a décimo novena edición do Festival de Maxia de Ames “FestiMax”. Este festival organizado polo Concello de Ames, en colaboración coa Deputación da Coruña, conta cun programa repleto de espectáculos e obradoiros dirixidos a todos os públicos. Este ano como novidade inclúese na programación unha sesión de maxia para maiores e outra para bebés, e un photocall máxico. Ademais, haberá unha gala máxica infantil, obradoiros de maxia e maila gala máxica internacional. Este evento conta coa colaboración da rede cultural da Deputación da Coruña. Aínda quedan algunhas entradas para as catro sesións da Gala Máxica Internacional que se poden adquirir a través da Billeteira electrónica.

O auditorio da Casa da Cultura do Milladoiro acolleu esta mañá a presentación do XIX Festival Internacional de Maxia de Ames, que se desenvolverá os días 25, 26 e 27 de outubro nas Casas da Cultura de Bertamiráns e do Milladoiro. Este festival organizado polo Concello de Ames, en colaboración coa Deputación da Coruña, conta cun programa repleto de espectáculos e obradoiros dirixidos a todos os públicos. Este ano como novidade inclúese na programación unha sesión de maxia para maiores e outra para bebés, e un photocall máxico. Ademais, haberá unha gala máxica infantil, obradoiros de maxia e maila gala máxica internacional. As entradas e convites xa se poden adquirir na Billeteira electrónica. Este evento conta coa colaboración da rede cultural da Deputación da Coruña.