O proxecto Enreguéifate ten como obxectivo revitalizar a regueifa valéndose de novos formatos e espazos, promovendo o uso de galego a través da improvisación oral en verso. Debido ao estado de alarma decretado pola Covid-19, nesta edición suspendéronse os obradoiros que se ían a impartir nos centros educativos, pero segue en marcha o certame de regueifa en vídeo, reforzándose os contidos virtuais con titoriais e vídeos con ideas para regueifarmos en confinamento. Materiais que se encontran dispoñibles na páxina web do proxecto, no seu Facebook e no seu Instagram, e que algúns tamén foron compartidos polas redes sociais do Concello de Ames. O prazo de presentación de vídeos remata o próximo 29 de maio.

O proxecto Enreguéifate ten como obxectivo revitalizar a regueifa valéndose de novos formatos e espazos e  promover o uso do galego a través da improvisación oral en verso. Debido ás circunstancias extraordinarias que estamos a vivir, nesta edición suspendéronse os obradoiros que se ían a impartir nos centros educativos, pero segue en marcha o certame de regueifa en vídeo e reforzáronse os contidos virtuais con titorias e vídeos con ideas para regueifarmos en confinamento. Estes materias están dispoñibes na páxina web e no Facebook e Instagram do proxecto. Dende o pasado 23 de marzo está aberto o prazo para a presentación de vídeos, que se estenderá ata o 29 de maio.

O prazo de entrega de traballos para o Certame Literario de Ames interrompeuse o mesmo día que se declarou o estado de alarma polo coronavirus, e amplíase tantos días como duren as restricións de mobilidade. Debido á aprobación da nova prórroga, o prazo de entrega de traballos para o Certame Literario amplíase ata o 14 de maio, este incluído. Pero esta data non é definitiva e poderá ser obxecto de ampliación se fose aprobada unha nova prórroga.

O Concello de Ames, a través da Concellería de Normalización Lingüística, informa de que está aberto o prazo para participar na decimo sétima edición do Certame Literario de narrativa e poesía que se convoca de forma anual. Poderá concorrer neste certame calquera persoa que presente textos inéditos en lingua galega, con temática libre. Os textos poderán enviarse ata o 1 de abril de 2020 (incluído). En cada modalidade do certame, narrativa e poesía, establécense tres categorías, e en cada categoría, tres premios. En total, repartiranse 3.800 euros entre os/as gañadores/as, incrementándose a cifra en 840 euros con respecto ao ano pasado.