Hoxe remata o prazo de inscrición para participar nalgún dos dous cursos organizados pola Concellaría de Mocidade, a través da Oficina municipal de información xuvenil, para o mes de xullo. As formacións, que se impartirán na Aula de Informática do Milladoiro, xirarán en torno á busca de emprego na rede e á figura do community manager. As persoas interesadas en participar aínda están a tempo de inscribirse antes das 23.59 deste mércores, 3 de xullo, enviando a ficha de inscrición dispoñible ao pé deste aviso ao enderezo omix@concellodeames.gal, na que deberán indicar o curso no que están interesados.

O Concello de Ames achega información de interese sobre os campamento municipais de verán: Mar de Arousa, Galipark multiaventura e Fragas do Eume.

O Concello de Ames informa de que xa están expostas as listas definitivas de usuarios/as admitidos/as no programa Escola de verán. Premendo nos enlaces que están a túa dereita, baixo o apartado de descargas, poderás consultar as listas de Bertamiráns e Milladoiro. Debido a Lei de Protección de Datos non se poden publicar datos de carácter persoal nesta lista, pero pódese comprobar se unha rapaza ou rapaz está admitido a través do número de rexistro que figura nesta lista e na copia do impreso de inscrición de cada usuaria/o.

O Concello de Ames abre o proceso de matrícula dos servizos complementarios: Rede de Comedores, Bos Días Cole e Tardes Divertidas, para o curso 2019-2020. Deberán matricularse os nenos e as nenas de novo ingreso nestes servizos, que xa cursaran a solicitude de preinscrición no prazo fixado para este fin e que consten como admitidos/as na listaxe correspondente. O prazo de matrícula estará aberto do 20 de xuño ao 5 de xullo de 2019.