O Concello de Ames informa das listas definitivas de solicitudes admitidas para os servizos complementarios (Comedores escolares, Bos días cole e Tardes divertidas) de cara ao curso 2019-2020. Tamén se publica a listaxe coas puntuacións das solicitudes do servizo de comedor e información de interese sobre o trámite de matrícula (curso 2019-2020).

Premendo nos enlaces que están ao pé deste aviso poderás obter os menús da Rede municipal de comedores escolares (almorzo, xantar e merenda) e das Escolas infantís municipais O Bosque e A Madalena. Tamén se ofrecen suxestións para as ceas. Estes menús foron elaborados pola nutricionista municipal do Concello de Ames.

O Concello de Ames vén colaborando nos últimos anos con FEUGA co obxectivo de ofrecer prácticas para titulados/as en xornalismo e filoloxía galega. Coa titorización de técnicos/as municipais (os responsables das prácticas) os/as bolseiros/as coñecen, por tempo de cinco meses ata un máximo dun ano, o funcionamento dun gabinete de comunicación municipal e do servizo de normalización lingüística.

O Concello de Ames, no seu esforzo por mellorar os índices de emprego e emprendemento, continúa traballando en diferentes programas, medidas e iniciativas, tanto de xeito individual como en colaboración con outros concellos da comarca. Na experiencia acumulada xestionando políticas activas de emprego (obradoiros, programas integrados, etc.), así como outras iniciativas, reflíctese a efectividade da formación para o emprego combinada coas prácticas non laborais nos resultados de inserción entre os participantes. A través do contacto permanente co tecido empresarial da comarca, detéctanse sectores, empresas ou liñas de actividade con potencial de contratación.