O Concello de Ames segue avanzando na tramitación para a construción do complexo deportivo do Milladoiro. O pasado 11 de maio rematou o trámite de exposición pública do estudio de viabilidade da concesión de obra pública para a construción dunha instalación deportiva municipal no Milladoiro e a explotación do conxunto deportivo que conformará xunto a instalación municipal A Telleira de Bertamiráns. Unha vez rematada dita exposición pública continuase co trámite administrativo. As instalacións do complexo deportivo do Milladoiro situaranse na parcela da rúa Agro do Medio, que está contigua ao novo centro de saúde desta localidade.

Esta mañá o alcalde de Ames, Jose Miñones, e maila concelleira de Deportes, Susana Señorís, xunto co técnico municipal de Deportes e maila arquitecta municipal, visitaron o campo de fútbol de Bertamiráns para ver de primeira man como quedou esta instalación despois das obras realizadas. Alí estiveron co director de obra, Julio Calderón, de Calderón & Asociados; con representantes da empresa Prace Servicios Y Obras SA, adxudicataria do proxecto; co presidente, Rafael Budiño, e co secretario técnico de fútbol base do Bertamiráns FC, Sergio Penas. Este proxecto, no que se investiron 312.067 euros, foi posible grazas ás xestións que fixo o Goberno municipal coa Deputación da Coruña. A Deputación financiou o 80% do proxecto, mentres o Concello de Ames achegou o 20% restante.

O alcalde de Ames, Blas García, maila concelleira de Deportes, Susana Señorís e o concelleiro de Urbanismo, Víctor Fernández, acompañados do oficial da Policía Local, Maximino García, o técnico de Deportes, Alberto Viaño, o responsable da Brigada de Obras, Juan Calvo, o presidente da Asociación de Protección Civil de Ames, Juan Crespo e os representantes de EMESPORT, Ezequiel Mosquera, Quico e Alberto, reuníronse esta mañá no Salón de Plenos do Concello co obxectivo de preparar o paso da Volta Ciclista “O Gran Camiño” por Ames. O concello acollerá a 2ª etapa deste tour o día 25 de febreiro. O evento conta co patrocinio da Xunta de Galicia, as Deputacións Provinciais de A Coruña, Lugo, Ourense e Pontevedra e o Xacobeo 21-22. A Volta Ciclista, en cuxa organización colaboran tamén os concellos polos que pasa, percorrerá as catro provincias galegas e conta consolidarse entre as mellores probas do calendario internacional por organización e participación. As canles Eurosport e TVG encargaranse da retransmisión.

Esta pasada fin de semana celebrouse en Chantada o Campionato Galego de Clubes, organizado pola Federación Galega de Karate. Nesta cita,  a escola amesá Dokkodo presentou un equipo alevín na modalidade de kata e outro na de kumite. Así mesmo, cedeu dous deportistas para que formaran parte de dous equipos do clube Akai Ryu de Negreira.