Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

Preséntase o V Trail e Andaina Ribeiras do Tambre que este ano busca bater o récord de inscricións

A quinta edición do Trail e Andaina Ribeiras do Tambre, que percorrerá o concello desde A Ponte Maceira ata o Real Aeroclub de Santiago, terá lugar o próximo domingo 17 de marzo. Organizada polo Concello de Ames e a Federación Galega de Atletismo, a proba foi presentada esta mañá na Casa do Concello, en Bertamiráns. Contarase coa colaboración da Policía Local e da Agrupación de Protección Civil. Desde a organización do evento agardan chegar ás 400 inscricións, o que suporía bater o récord de participación de todas as edicións organizadas. A inscrición está aberta nesta ligazón ata o vindeiro 14 de marzo, ás 23:59 horas. Pódese consultar o regulamento completo do evento premendo nesta ligazón.

Preto de 1.200 corredores participarán na XXIII Carreira Pedestre Popular do Concello de Ames

Este domingo, 20 de outubro, celebrarase de novo a Carreira Pedestre Popular do Concello de Ames, que alcanza a súa vixésimo terceira edición. A proba contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo. Nesta edición hai inscritas máis de 1.196 persoas: arredor de 500 nas categorías absoluta e sub-18, mentres que nas categorías escolares hai 700 rapaces e rapazas inscritos. Non se admiten inscricións fóra de prazo nin o día da carreira. Premendo nesta ligazón pódese consultar o regulamento ao completo e os horarios da XXIII Carreira Pedestre Popular do Concello de Ames.

Preto de 1.700 veciños e veciñas de Ames practican deporte a través da Escolas deportivas municipais

O pasado 1 de outubro deu comezo un novo curso das Escolas deportivas municipais, nas que preto de 1.700 veciños e veciñas de Ames participan en 18 actividades, que se enmarcan nos programas de Formación deportiva e Ponte en forma. Este curso as actividades que teñen maior participación son pilates con 340 participantes, patinaxe con 202 e aerozumba con 158. Na actualidade, hai 1.670 usuarios/as inscritos, pero dende o departamento de Deportes agardan que esta cifra se incremente ata polo menos os 1.700 participantes, porque aínda se están tramitando inscricións nas prazas que quedaron libres. Deste xeito, a Concellaría de Deportes mantén aberto o prazo para anotarse nas prazas libres das Escolas deportivas municipais 2024/2025. As persoas interesadas poden xestionar a matrícula de xeito telemático a través da plataforma Cronos, no módulo “inscrición en clases”.

Preto de 100 nenos/as participaron no campus de fútbol de Ames organizado pola Real Federación Española de Fútbol

O salón de actos do CEIP de Ventín acolleu o pasado domingo, 28 de xullo, o acto de clausura do campus da Real Federación Española de Fútbol, que se desenvolveu no concello de Ames entre o 14 e o 28 de xullo. A dito acto acudiron a concelleira de Deportes, Susana Señorís, o concelleiro de Administración Xeral, Víctor Fernández, e o equipo técnico (adestradores, monitores e coordinadores) que impartiu as clases durante o campus. O campus, que se realizou por primeira vez en Ames, desenvolveuse en dúas quendas: a primeira do 14 ao 20 e a segunda do 21 ao 28 de xullo.

Preto de 170 patinadoras e patinadores participaron no XII Encontro de patinaxe artística das escolas deportivas

O Club de patinaxe artística Omega, do Milladoiro, e o Club de patinaxe Sarela, de Bertamiráns, organizaron o pasado domingo, 30 de abril, a décimo segunda edición do Encontro de patinaxe artística das escolas deportivas municipais do Concello de Ames, no que colaborou o propio Concello a través da Concellaría de Deportes. O evento desenvolveuse en horario de mañá no pavillón municipal de Bertamiráns. O programa incluíu dúas competicións entre os grupos das escolas e exhibicións dos clubs de patinaxe amesáns, que realizaron diferentes coreografías. Premendo nesta ligazón podes descargar a galería de fotos do Encontro de patinaxe artística.

Preto de 2.000 rapaces e rapazas participaron na clausura das escolas deportivas municipais

O pasado sábado 1 de xuño, as áreas deportivas de Bertamiráns e do Milladoiro acolleron a xornada de clausura do curso 2023-2024 das escolas deportivas municipais. Pola mañá tivo lugar o XIII Encontro de patinaxe artística, mentres que as demais escolas deportivas fixeron as súas exhibicións en horario de tarde.  Ao longo de toda a xornada, o alumnado puido amosar o aprendido ao longo destes meses nun ambiente festivo e familiar. A xornada foi organizada polo departamento municipal de Deportes en colaboración con ServiPlus. Premendo nesta ligazón pódese acceder á galería de imaxes do evento.

Preto de 3.000 persoas tramitaron o carné de usuario/a das piscinas descubertas municipais

Durante este verán preto de 3.000 persoas tramitaron o carné de usuario/a para facer uso das piscinas descubertas de Bertamiráns e do Milladoiro. Tramitáronse arredor de 1.150 solicitudes, isto pódese traducir en máis ou menos 900 abonos familiares (2.700 persoas) e 250 abonos individuais (250 persoas). Ademais, das piscinas descubertas municipais, a área recreativa de Tapia, que se atopa ás beiras do río Tambre, convértese tamén nun lugar moi concorrido por todos os veciños e veciñas de Ames nesta época do ano.

Preto de 300 ciclistas participarán este domingo en Ames na segunda proba da Transgalaica 2023

O Club de ciclismo Os Esfola Arrós e o Concello de Ames organizan un ano máis unha das probas do circuíto Transgalaica en territorio amesán. Esta é a sétima proba do circuíto Transgalaica que se organiza en Ames. Así, este domingo 12 de marzo o municipio amesán acollerá a segunda proba do circuíto Transgalaica 2023, que partirá do Pazo da Peregrina ás 9.30h e percorrerá distintos puntos da xeografía do concello. Na proba participarán un total de 286 ciclistas. Premendo neste enlace poderás obter o aviso municipal dos cortes e da prohibición de estacionamento na avenida José Luis Azcárraga con motivo da proba.

Preto de 40 mulleres de entre 14 e 70 anos participaron o sábado nun seminario de defensa persoal no Milladoiro

O pavillón polideportivo municipal do Milladoiro acolleu o pasado sábado 26 de febreiro a sétima edición do seminario de defensa persoal que a Deputación da Coruña programou ao longo da provincia. Preto de 40 amesás aprenderon  ao longo de catro horas técnicas e estratexias para defenderse ante posibles agresións. As mulleres participantes recibiron un diploma acreditativo da súa participación.

Preto de 400 inscritos na XVI Milla Urbana Concello de Ames que se celebra este domingo 25 de setembro

Tras sete anos de parón dende a súa anterior edición, a Milla Urbana Concello de Ames volve neste 2022 ao Milladoiro. Trátase dunha carreira curta, na que as 391 persoas inscritas deberán percorrer un circuíto urbano de entre 200 metros e unha milla, dependendo da idade. Calquera persoa pode participar nesta proba, con ou sen licenza federativa e sen límites de idade. A proba desenvolverase o domingo 25 de setembro, a partir das 9:00 horas, na zona da área deportiva da travesía do Porto, no Milladoiro. Haberá cortes de tráfico e prohibicións de estacionamento nos arredores da área deportiva do Milladoiro pola celebración de dita proba deportiva.

Eventos del departamento

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo