Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

Abre o prazo de inscrición para participar nos cursos de natación do mes de agosto das piscinas descubertas

Dende o 15 ata o 28 de xullo está aberto o prazo de inscrición para participar na segunda quenda dos cursos de natación organizados polo departamento de Deportes do Concello de Ames para este verán, que se desenvolverá no mes de agosto. Estas actividades impártense de luns a venres, nas piscinas descubertas municipais de Bertamiráns e do Milladoiro. Durante o mes de xullo están participando 57 rapaces e rapazas; 34 no Milladoiro e 23 en Bertamiráns. A iniciativa conta coa colaboración da Deputación da Coruña. As inscricións deben ser tramitadas a través da plataforma Cronos.

Abre o prazo de presentación de solicitudes para as axudas de promoción de actividades levadas a cabo polos clubs e asociacións deportivas

O Concello de Ames informa sobre a convocatoria de axudas para a promoción de actividades levadas a cabo no exercicio 2020 polos clubs e asociacións deportivas de Ames. A contía destinada a esta convocatoria ascende nesta anualidade aos 60.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar o venres, 28 de maio. O prazo de solicitude está aberto dende o 29 de maio ata o 28 de xuño. Ao pé desta nova podes atopar as bases e mailos impresos de solicitude.

Abre o prazo de presentación de solicitudes para as axudas de promoción de actividades levadas a cabo polos clubs e asociacións deportivas

O Concello de Ames informa sobre a convocatoria de axudas para a promoción de actividades levadas a cabo no exercicio 2019 polos clubs e asociacións deportivas de Ames. A contía destinada a esta convocatoria ascende nesta anualidade aos 75.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar este mércores, 10 de xuño. O prazo de solicitude está aberto dende o 11 de xuño ata o 10 de xullo. Ao pé desta nova podes atopar as bases e mailos impresos de solicitude.

Abre o prazo de presentación de solicitudes para as axudas de promoción de actividades levadas a cabo polos clubs e asociacións deportivas

O Concello de Ames informa sobre a convocatoria de axudas para a promoción de actividades levadas a cabo no exercicio 2021 polos clubs e asociacións deportivas de Ames. A contía destinada a esta convocatoria ascende nesta anualidade aos 75.000 euros. O prazo de presentación de solicitudes é de 30 días naturais desde a publicación das bases no Boletín Oficial da Provincia (BOP), que tivo lugar este venres, 5 de agosto. O prazo de solicitude estará aberto dende mañá sábado 6 de agosto ata o luns 5 de setembro. Ao pé desta nova podes atopar as bases e mailos impresos de solicitude.

Abre o prazo para inscribirse nas prazas libres das Escolas Deportivas Municipais

Unha vez rematado o primeiro prazo de inscrición, a concellaría de Deportes abre o prazo para inscribirse nas prazas libres das Escolas Deportivas municipais 2021/22. Os/as interesados/as poden xestionar a matrícula de xeito telemático a través da plataforma Cronos, no módulo de Inscripción en clases. Ao pé da noticia podes consultar os folletos coas actividades e as prazas dispoñibles.

Abre o prazo para inscribirse nos cursos de iniciación ao piragüismo que se imparten na praia fluvial de Tapia

Un ano máis o Concello de Ames, a través da Concellaría de Deportes, organiza os cursos de iniciación ao piragüismo, que se desenvolverán durante os meses de xullo e agosto, na praia fluvial de Tapia. Ditos cursos, que están dirixidos a nenos e nenas de 7 a 16 anos, impartiranse os luns, mércores e venres, a partir das 10.30 horas. Para participar nesta actividade é imprescindible saber nadar. As prazas son limitadas, polo que é importante inscribirse enviando un correo electrónico ao enderezo deportes@concellodeames.gal.

Abre o prazo para preinscribirse nas Escolas deportivas do curso 2021-2022

O luns, 20 de setembro, abre o prazo de preinscrición na nova programación das Escolas deportivas do Concello de Ames para o curso 2021-2022. O prazo de preinscrición estará aberto ata o día 26 de setembro. A xestión realizarase telematicamente a través da plataforma Cronos. Nas actividades que haxa máis preinscricións que prazas ofertadas, realizarase un sorteo o 27 de setembro. A listaxe de admitidos publicarase o 29 de setembro na páxina web do Concello de Ames. Ademais, cada persoa só poderá inscribirse nunha escola deportiva.

Abre o prazo para solicitar os carnés de usuario/a das piscinas municipais descubertas

O Concello de Ames abriu este luns, 22 de maio, o prazo para solicitar os carnés de usuario/a das piscinas municipais descubertas de Bertamiráns e O Milladoiro. Os interesados/as poden descargar o impreso de solicitude na web municipal (ao pé desta nova ou no apartado de trámites) e deberán envialo cuberto aos enderezos de correo electrónico: deportes@concellodeames.gal ou deportes.milladoiro@concellodeames.gal. O prezo dos carnés oscila entre os 5 e os 20 euros dependendo das circunstancias de cada usuario/a. As piscinas municipais abrirán do 15 de xuño ao 15 de setembro en horario de 11.00 a 21.00 horas. O prazo de solicitude estará aberto ata o 14 de agosto.

Abre o prazo para votar polo/a mellor deportista de Ames no ano 2019, que será galardoado/a co premio do público na XIV Gala do Deporte

O Concello de Ames acaba de publicar na páxina web municipal un banner cunha enquisa na que se pode votar polo/a mellor deportista de Ames de 2019. Este é o cuarto ano consecutivo que se pon en marcha esta iniciativa para elixir un dos premios que se entregará na XIV Gala do Deporte, que está previsto que se celebre o vindeiro sábado, 29 de febreiro. As votacións poderanse realizar ata o vindeiro mércores, 26 de febreiro, na páxina web municipal. O resto de premios daranse a coñecer, ao igual que nas catro edicións anteriores, no momento da celebración do evento.

Abre unha nova convocatoria de bolsas para deportistas de Ames

A Xunta de Goberno Local aprobou o pasado 13 de marzo unha nova liña de achegas para a concesión de bolsas para deportistas do concello de Ames no ano 2025. O importe das bolsas que se van a conceder ascende a 10.000 euros, ao igual que na anterior convocatoria. Esta convocatoria de bolsas ten por obxecto apoiar a práctica e ao rendemento deportivo, así como posibilitar a participación dos/as deportistas do concello en eventos deportivos, facilitándolles o acceso a unha preparación integral idónea. Cada deportistas pode optar a unha axuda máxima de 700 euros. Premendo nesta ligazón pódense consultar as bases da convocatoria.

Eventos del departamento

>Trofeo de Supercross Gran Premio Concello de Ames

O Motoclub Ameixenda, en colaboración co Concello de Ames e a Deputación da Coruña, organiza o vindeiro domingo, 9 de xuño, unha das probas de supercross da Galicia League. O Gran premio Concello de Ames é un evento deportivo a nivel autonómico, non oficial, non federado, de acordo coa actual normativa galega do deporte segundo a Lei 3/2012. Nesta proba que se desenvolverá no circuíto SX Alex de Moure, situado no lugar do Vilar na parroquia da Ameixenda, participarán os mellores pilotos de supercross de toda Galicia. Estímase que participen entre 60 e 70 pilotos.

>V Trail e Andaina Ribeiras do Tambre

A quinta edición do Trail e Andaina Ribeiras do Tambre, que percorrerá o concello desde A Ponte Maceira ata o Real Aeroclub de Santiago, terá lugar o domingo 17 de marzo. Organizada polo Concello de Ames e a Federación Galega de Atletismo, a proba foi presentada esta mañá na Casa do Concello, en Bertamiráns. Contarase coa colaboración da Policía Local e da Agrupación de Protección Civil

>VI Día do Deporte

O Concello de Ames, a través da Concellaría de Deportes, organiza por sexto ano consecutivo unha ampla oferta de actividades no Día do Deporte, que se celebrará este venres, 27 de setembro, na área deportiva do Milladoiro, de 16:30 a 20:00 horas. Ademais, haberá inchables para os máis pequenos.

>XIII Encontro de patinaxe artística das escolas deportivas

O Club de patinaxe Sarela, de Bertamiráns, e o Club de patinaxe artística Omega, do Milladoiro, organizan o  1 de xuño a décimo terceira edición do Encontro de patinaxe artística das escolas deportivas municipais do Concello de Ames. O evento desenvolverase en horario de mañá no pavillón municipal de Bertamiráns. O programa inclúe exhibicións dos clubs de patinaxe amesáns, que realizarán distintas coreografías.

>XIV Carreira Ciclista do Pavo

Tras un ano de parón por mor da situación epidemiolóxica derivada da Covid-19, Bertamiráns acolle unha nova edición da tradicional carreira ciclista do pavo este domingo, 12 de decembro.

>Xornada de portas abertas "Achégate ao piragüismo"

O Concello de Ames, a través da Concellaría de Deportes, organiza para o sábado 29 de xuño unha xornada de iniciación ao piragüismo que se desenvolverá na praia fluvial de Tapia entre as 11:30 e as 13:30 horas. A través desta actividade búscase que os amesáns e as amesás que o desexen poidan aprender a dominar esta embarcación. A xornada “Achégate ao piragüismo” consistirá nunha sesión de portas abertas á que poderán asistir todas aquelas persoas maiores de 8 anos interesadas nesta actividade, sempre e cando saiban nadar. Para participar nesta actividade gratuíta, que require inscrición previa a través do correo electrónico info@ribeirasdotambre.es, hai que levar traxe de baño, unha camiseta e chancletas

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.