[05-03-2013] O Concello de Ames informa que o vindeiro venres, día 8 de marzo a partir das 9:00 horas, procederase a realizar cortes de tráfico puntuais na rúa Anxeriz para levar a cabo traballos no firme. O obxectivo destes traballos é extraer mostras para realizar probas que permitan determinar as causas do deterioro rexistrado no firme da rúa.O Concello de Ames lamenta as posibles molestias que poidan ocasionar estes traballos aos veciños e veciñas desta rúa, e aos condutores que circulan por ela, agradecendo a súa colaboración.