[12-02-2015] O Concello de Ames informa de que o vindeiro luns, 16 de febreiro de 2014, terá lugar en Bertamiráns a Festa do Entroido, que se vai desenvolver no aparcadoiro da Telleira. Debido a iso, o devandito aparcadoiro quedará pechado durante a celebración da festa, e polo tanto queda prohibido o estacionamento neste aparcadoiro dende as 12:00h da noite do domingo 15 de febreiro ata as 12:00h do mediodía do martes 17 de febreiro de 2015.
Así mesmo, quedará prohibido estacionar nos tramos das rúas Comaro, Travesía de Lodeiro e na avenida da Peregrina, que rodean a este aparcadoiro dende as 14:00 horas ata as 20:00 horas do luns 16 de febreiro. Ademais, durante o transcurso do desfile de Entroido, que se desenvolverá a partir das 18:00 horas, haberá cortes de tráfico na avenida da Peregrina, avenida da Maía, rúa Poeta da Maía e rúa do Pedregal. Premendo no enlace que está a túa dereita, baixo o apartado de descargas, poderás consultar o aviso emitido polo Concello de Ames.