[02-10-2015] Este venres, 2 de outubro, as xogadoras do primeiro equipo do FC Meigas compartirán un adestramento cos rapaces da asociación Down Compostela. Esta xornada consistirá nun adestramento compartido finalizando cun partido. Este adestramento será no pavillón de Bertamiráns de 17:00 a 19:00 horas. Co obxectivo de que todas as rapazas do Club poidan asistir a esta xornada suspéndense os adestramentos do Club deste día.
Este venres, 2 de outubro, o Fútbol Club Meigas vai realizar unha xornada de sensibilización en colaboración coa asociación Down Compostela. Trátase dun adestramento compartido entre as xogadoras do primeiro equipo do Meigas FC e os rapaces de Down Compostela. A xornada rematará cun partido entre ambas entidades. Esta actividade desenvolverase entre as 17:00 e as 19:00 horas no pavillón polideportivo de Bertamiráns. Dende este Club amesán solicitan a participación das familias das xogadoras para apoiar esta iniciativa solidaria.
Tras este acto, ás 20:00 horas, vaise realizar a formalización da inscrición das xogadoras para a temporada 2015-2016, entregando a folla de datos, tres fotos carné e unha copia do DNI, co obxectivo de facer a ficha desta temporada. Este acto desenvolverase no Pazo da Peregrina. Ademais, celebrarase unha reunión informativa, na que a xunta directiva e o coordinador do Club informarán sobre os temas máis relevantes de cara a temporada que comeza. Por último, de acordo á convocatoria, desenvolverase unha asemblea extraordinaria.