- Tematica
O FC Meigas e a EFS Trasgos, en colaboración co Concello de Ames, organizan un ano máis o seu campus de verán de fútbol sala Meigas e Trasgos, que se desenvolverá entre o 1 e o 16 de xullo na área deportiva de Bertamiráns. Dirixido a nenas e nenos de 4 a 17 anos, o campus terá lugar de 10.00 a 14.00 horas. Haberá servizo de gardería de 9.00 a 10.00 horas e de 14.00 a 14.30 horas. O número de prazas para participar neste campus son limitadas, polo que é preciso inscribirse premendo nesta ligazón.
En vista ao éxito acadado nas anteriores edicións dos campus de verán e Nadal, o FC Meigas e a EFS Trasgos volven achegar o fútbol sala aos rapaces e rapazas de Ames durante a época estival. A iniciativa suporá unha oportunidade para gozar do fútbol sala da man de adestradores e monitores profesionais, que farán que as nenas e nenos participantes teñan mañás cheas de diversión, actividades e aprendizaxe. Así, o Campus de Verán transcorrerá entre o 1 e o 16 de xullo na área deportiva de Bertamiráns, en horario de 10.00h a 14.00 horas. Haberá servizo de gardería de 9.00h a 10.00 e de 14.00 a 14.30h.
Este Campus de verán, orientado a rapaces e rapazas de 4 a 17 anos, trátase dunha experiencia multidisciplinar na que o nexo común será o fútbol sala, máis os rapaces e rapazas participantes poderán introducirse noutras disciplinas como baloncesto, voleibol, balonmán ou golpbol.
Ademais, non faltarán as actividades na piscina descuberta de Bertamiráns e outras moitas sorpresas para todos os nenos e nenas que se animen a participar do Campus. Todo elo baixo o paraugas da colaboración, o traballo en equipo e a adquisición de valores, eixos fundamentais do labor de aprendizaxe do FC Meigas e a EFS Trasgos.
Inscricións e prezos
A inscrición nesta actividade pode realizarse cubrindo esta ficha de inscrición premendo nesta ligazón. Pode obterse máis información a través do correo electrónico fcmeigas@gmail.com ou do número de teléfono 670 51 81 20. As nenas e nenos inscritos poderán acudir a este campus unha ou dúas semanas, tanto do 1 ao 9 de xullo como do 12 ao 16 de xullo.
Así, o prezo por participante é de 165 euros para as dúas semanas, cun desconto de 15€ para as nenas e nenos do FC Meigas e da EFS Trasgos. O prezo para a primeira semana, do 1 ao 9 de xullo, é de 110 euros, cun desconto de 10€ para as nenas e nenos do FC Meigas e da EFS Trasgos. Para acudir do 12 ao 16 de xullo, a tarifa é de 80 euros, cun desconto de 5 euros para socio/as. Para obter máis información sobre esta actividade, pódese visitar a páxina web www.fcmeigas.com.
