As 12 persoas seleccionadas polo xurado interpretarán dous temas completos de distinto estilo musical e loitarán por distintos premios entre o que destaca a posibilidade de actuar como abre-concertos da orquestra Olympus, que estará o domingo 3 de setembro no Milladoiro. Adriana, a gañadora infantil da anterior edición, gozará dunha actuación individual ese día e as xurados, Lara López e Inés Suárez, protagonizarán unha actuación a dúo.

O Canta con Ames é un concurso organizado pola Concellaría de Promoción Económica en colaboración coas asociacións de empresarios Novo Milladoiro e maila Xuntanza de Empresarios de Ames. A terceira edición do Canta con Ames comezou coas dúas xornadas de preselección nas que participaron 24 persoas de Ames e doutros concellos como Santiago de Compostela, Vigo, Arteixo, Cee, Corcubión, Silleda e Ordes.

Tras a preselección e a semifinal, que se celebrou o pasado 4 agosto, o xurado do certame seleccionou a 12 finalistas: Iker Alonso, María Pose, Candela Caamaño e Antía Holovat (na categoría infantil); Antía Boo, Sofía Lado, Paula Fernández e María Álvarez (categoría xuvenil); e María Salaño, María Caamaño, Noelia Turnes e Ainhoa Conde (categoría sénior).

Na final, que se vai desenvolver este sábado 24 de agosto ás 20:00 horas, os 12 finalistas terán que interpretar dúas cancións de distinto estilo musical, sen repetir temas entre eles. O xurado escollerá despois un gañador ou gañadora por categoría. Este ano o xurado do concurso está composto por Inés Suárez Rey, Noelia Bellas Ferreira e Lara López Suárez, mentres que a presentadora é Loly Gómez Oviedo.

Premios
Aos gañadores ou gañadoras premiaráselles cun trofeo en recoñecemento da súa participación, unha cesta saudable, un vídeo profesional sobre o seu paso polo concurso, cantar nas pre-badaladas de fin de ano e dúas tarxetas valoradas cada unha en 100 euros, que achegan as asociacións Xuntanza de Empresarios de Ames e do parque empresarial Novo Milladoiro. Ademais, poderán actuar como abre-concertos no espectáculo que a orquestra Olympus vai ofrecer o vindeiro domingo, 3 de setembro, no Milladoiro.

Por outra banda, ao resto de participantes que chegaran á final en cada categoría premiaráselles tamén cun trofeo, unha cesta saudable, un vídeo profesional do seu paso polo concurso e unha tarxeta regalo valorada en 30 euros para gastar nos comercios da asociación de comerciantes Xuntanza de Empresarios de Ames. As cestas saudables serán elaboradas polo establecemento Froitas e verduras Gelina, de Bertamiráns.

Novas relacionadas:

El Correo Gallego: "Las Noites en Vela de A Ponte Maceira abrirán boca a las verbenas y final de Canta con Ames"