As persoas interesadas en coñecer o karate e explorar a práctica do Nihon Taijitsu poden participar a partir do mes de setembro nas xornadas de portas abertas da escola amesá de karate Dokkodo. As clases impartiranse tanto en Betamiráns como en Bembibre. No caso de Bertamiráns, os martes e xoves haberá portas abertas de karate infantil (de 17:00 a 17:50 horas), xuvenil (de 18:00 a 19:00 horas) e de adultos (de 19:00 a 20:00 horas). En Bembibre as clases impartiranse os luns e mércores. Haberá karate infantil de 18:00 a 18:50 horas. Para participar non é preciso ter experiencia previa.

O karate é un deporte que mellora a condición física, a confianza e a autodisciplina. Por outra banda, a escola tamén está a presentar unha nova actividade: o Nihon Taijitsu. O Nihon Taijitsu é unha arte marcial xaponesa que se enfoca na defensa personal efectiva a través de técnicas de golpeo, proxeccións e sumisións. Cunha filosofía que promove a adaptabilidade e o control eficiente do corpo, trátase da escolla perfecta para aqueles que buscan un enfoque integral na arte marcial.

As persoas interesadas en anotarse poden facelo premendo nesta ligazón. As prazas son limitadas. Para contactar coa escola pódese chamar aos teléfonos 696 677 311 ou 609 053 664, ou escribir ao enderezo electrónico karatedokkodo@gmail.com ou ás súas redes sociais Facebook e Instagram.