A xornada comezou coas categorías xuvenil e cadete. Santiago Ribas, a pesar de ser a súa primeira competición, conseguiu a medalla de bronce en kumite, na categoría xuvenil masculino <36kg iniciación. Tamén en kumite competiu Raúl Rodríguez, que obtivo a quinta posición na categoría cadete masculino <52kg avanzado.

Xa pola tarde foi a quenda dos máis pequenos. Dos debutantes na competición, Maximiliano Cobeña conseguiu a quinta posición en kumite, na categoría alevín masculino <34kg iniciación; mentres que Martín Campos obtivo a medalla de prata en kumite na mesma categoría. Tamén en kumite conseguiron Jadel Rodríguez e Bruno Varela a medalla de ouro nas categorías infantil masculino <45kg avanzado e alevín masculino >34kg iniciación respectivamente. Pola súa banda, Xián Blanco,  que competía por primeira vez en kata avanzado logo do ouro da anterior xornada, perdeu sen opción á repesca e clasificouse no 5º posto en kumite alevín <34kg avanzado.

Na modalidade de kata, Tiago Blanco revalidou o ouro conseguido na primeira xornada na categoría benxamín masculino avanzado.

Novas relacionadas:

La Voz de Galicia: "Jóvenes campeones de kárate en Ames"