Esta competición contou co aliciente da participación de integrantes da selección nacional nas diferentes categorías e de deportistas doutras comunidades autónomas, o que asegurou enfrontamentos de moi alto nivel.
 
Na modalidade de kata,  na categoría alevín masculino Martín Campos obtivo o bronce e Xián Blanco fíxose coa prata. Na categoría benxamín masculino, Tiago Blanco conseguiu o primeiro posto. Nesta modalidade tamén competiron Bruno Varela, na categoría alevín masculino, e Raúl Rodríguez en cadete masculino.
 
Pola súa banda, na modalidade de kumite, Martín Campos, Jadel Rodríguez e Santiago Ribas fixéronse co bronce nas categorías alevín masculino >34kg, infantil masculino >40 kg e xuvenil masculino >42kg respectivamente. Outros dous deportistas da escola obtiveron  medallas de prata: Xián Blanco, en alevín masculino >34kg, e Raúl Rodríguez, en cadete masculino >63kg. Nesta modalidade, o ouro en categoría alevín masculin >34 kg foi para Bruno Varela.

Os resultados acadados pola escola Dokkodo nesta competición sitúanos no sexto posto da clasificación.