O Concello de Ames, a través do departamento de Bibliotecas Municipais, continúa coas presentacións de libros do programa “Encontros Literarios”, unha actividade que promove a literatura en galego e axuda a dar a coñecer a escritores próximos.

“Ángeles de Santiago: Génesis” de Alba Sánchez
A autora deste próximo encontro é Alba Sánchez Suárez,  unha moza santiaguesa de só 17 anos afeccionada dende ben cativa a todos os tipos de literatura. Esta obra de fantasía é a súa primeira publicación é o froito a tres anos de investigación e traballo sobre historias e mitos relacionados cos anxos e outros seres mitolóxicos ambientados na cidade de Compostela. Con todo, esta obra será o inicio dunha saga de libros xuvenís.

A novela narra a historia de Raquel tras a morte súbida da súa nai, unha mestura entre realismo e ficción na que aparecen diferentes personaxes como os anxos e demos.